పుట:Chatu Padya Ratnakaramu - Deepala Pichchayya Sastry.pdf/169

వికీసోర్స్ నుండి
ఈ పుట అచ్చుదిద్దబడ్డది

150

చాటుపద్యరత్నాకరము

   భవసభారసభాసభాభవ్య మగుచు
   యశము, శము, ముదమొదవు యాచాధిపతికి.

ఉ. కోటలు నుగ్గునుగ్గు, మదకుందరపంక్తులు పిండిపిండి, చెం
   డీటెలు పొట్టుపొట్టు, పొగరెక్కుహయంబులు చక్కుచక్కు, నీ
   ధాటికి సాటి లేదు వసుధాతలనేతల నెంచి చూడ వె
   ల్గోటికులాబ్ధిచంద్ర! నృపకుంజర! బంగరుయాచభూపతీ!

ఉ. శ్రీదరహాసకారణవిశేషవిలాసజనార్దనానుకం
   పాదరలబ్ధకీర్తిజితహారతుషారపటీరహారకా
   కోదరకాంతి యాచనృపకుంజరు లేలెడు దర్శిసీమలో
   నీదర మానివాసము మదీయనివాసము యాచభూపతీ!

పైపద్యము మంచళ్ళకృష్ణకవి ప్రభుదర్శనమున కేగినప్పుడు చెప్పినది.

యాచమనాయని నిర్యాణము


శా. శ్రీరంజిల్లఁగ శాలివాహశకమద్రిశ్రోత్రసప్తేందుసం
   ఖ్యారక్తాక్షిసమాదిసప్తమిని దివ్యస్ఫూర్తి వెల్గోటిబం
   గారేచేంద్రకుమారయాచమణిమోక్షస్థానముం జేరె మున్
   శ్రీరాముండు వికుంఠధామమున కర్థిం బోవు చందంబునన్.

మ. భువి నీడెంతుఁ గుమారనందవిభుతో భూతిప్రభావైభవా
   హవతేజోధృతిచిద్విలాససుకళాయౌదార్యశౌర్యంబులన్
   భవు భానున్ భిదురాస్త్రు భీష్ము భుజగప్రత్యర్థిభూర్యద్రిభే
   డ్భవు భైమేశ్వరు భోజు భౌము భరతు న్భందీరు భర్గాత్మజున్.

ఉ. భండనభీమ కృష్ణ నిజవైరినృపాలురు నిల్చియు న్బృహ
   న్మండలపుండరీకహరినాకనివాసులు పాఱియు న్బృహ