పుట:Chatu Padya Ratnakaramu - Deepala Pichchayya Sastry.pdf/145

వికీసోర్స్ నుండి
ఈ పుట అచ్చుదిద్దబడ్డది

126

చాటుపద్యరత్నాకరము

   సన్నాహమున సముత్పన్నపన్నగవైరి
               జవయుతమగు మహాశ్వంబు నెక్కి
   “ధే”యనియార్చి సందీప్తకాలానల
               కీలాకరాళసంవేలఖడ్గ
   ధారాహతానేక వీరారిజనవార
               సారశోణితపూర ఘోరనదులఁ
   బఱప నొఱపైన దురము నిర్భరము సేయు
   నేర్పు నీ కబ్బె భార్గవు నేర్పు మీరఁ
   గోటివంశసనాథ! సంగుప్తబోధ!
   విజయరఘునాథ! జయభార్గవీసనాథ!

సీ. గడగడమని కాళ్ళు వడఁకఁజొచ్చినయంత
               స్తంభగుణంబు కొం తణఁచివైచెఁ
   బలుకు డగ్గుత్తికఁ బడి వికారము నొందఁ
               బ్రణయమ్ము మౌనసంపదను నిల్పె
   వెలవెలయై మేను వికృతి వహించుచో
               రోమాంచలంబు మఱుంగు వెట్టె
   గన్నీటఁ జినుకులు కాలువలై పార
               స్వేదప్రవాహంబుఁ జేర్చుకొనియెఁ
   దక్కులను ద్రొబ్బె రంభపైఁ దనకుఁ బ్రేమ
   యనుచు నీవైరి నేర్పుగ నతనుదారిఁ
   గోటివంశసనాథ! సంగుప్తబోధ!
   విజయరఘునాథ! జయభార్గవీసనాథ!

సీ. చెంగావిపావడరంగుగా మెఱయించి
               యదికాక పూదండ లలవరించి