ఈ పుట అచ్చుదిద్దబడ్డది
ప్రథమతరంగము
83
సమస్య:—రండాగమనంబుఁ జేయ రమ్యంబ యగున్
క. కుండినపరమున రుక్మిణి
చండికకుం బూజసలుపుసమయంబున కా
యండజవాహనుఁ దోడ్కొని
రం డాగమనంబుఁ జేయ రమ్యంబ యగున్.
సమస్య:—కమ్మలు మోకాళ్ళు తాఁకి ఘలుఘలు మనియెన్
క. కొమ్మను మదనుం డపుడు జ
వమ్మున నీలోత్పలముల వడి నేయంగా
సొమ్మసిలి మోము వంచినఁ
గమ్మలు మోకాళ్ళుదాఁకి ఘలుఘలుమనియెన్.
సమస్య:—నిప్పున నొకచేరెఁ డంత నెత్తురు గాఱెన్
క. కుప్పించి వెలుఁగుదూఁకిన
గొప్పములిదె నాటె నిపుడు కోమలి వేగన్
ఉప్పుఁ గొనిరమ్ము కాతము
నిప్పున నొకచేరెఁ డంత నెత్తురు గాఱెన్.
సమస్య:—సుగ్రీవుని యెడమకాలు శునకము కఱచెన్
క. అగ్రారపునడివీథిని
నిగ్రహముగ బొమ్మలాట నేర్పుగఁ నాడన్
విగ్రహము లెత్తమఱచిన
సుగ్రీవునియెడమకాలు శునకము కఱచెన్.
