పుట:Chanpuramayanam018866mbp.pdf/23

వికీసోర్స్ నుండి
Jump to navigation Jump to search
ఈ పుట అచ్చుదిద్దబడ్డది

8 చంపూరామాయణము

కృతిపతివంశవర్ణనము

సీ. సౌగంధికవ్యూహసమ్మోహనాస్త్రంబు నాళీకనికరవైతాళికుండు
కృతకేతరాలాపలతికాలవాలంబు కోకవియోగాబ్ధికుంభసూతి
ప్రథమాద్రిపార్వతీపతిజటాజూటంబు గగనరంగముకుందకౌస్తుభంబు
కౌశికాశావధూకాశ్మీరతిలకంబు బ్రహ్మాండమండపరత్నదీప
గీ. మఖిలహరిదంతరూఢగాఢాంధకార, గంధసింధురవర్గనిర్గంధనైక
ధీరకంఠీరవేంద్రంబు తేజరిల్లుఁ, బ్రణుతలక్ష్మీకరుండు విభాకరుండు. 37

సీ. నిజతపోనందితాంబుజగర్భలబ్ధరంగవిమానరాజుఁ డిక్ష్వాకునృపతి
శాక్కరాకారవాసవసమారోహాప్తశంభులీలుఁడు కకుత్స్థప్రభుండు
సత్యభాషాప్రతిష్ఠానభాజితగాధిజన్మసంయమి హరిశ్చంద్రవిభుఁడు
గాఢయత్నానీతగంగాతరంగిణీకీర్తిధ్వజుండు భగీరథుండు
గీ. విశ్వజిద్యాజి రఘుమేదినీశ్వరుండు, నాదియగురాజు లుదయించి రాదినేంద్రు
సంతతికి భూషణంబులై యంత నందు, శౌరి జనియించె శ్రీరామచంద్రుఁ డనఁగ. 38

సీ. దశరథేశ్వరచిరంతనపుణ్య మెవ్వానిశాంబరీమానుషసంభవంబు
జమదగ్నినందనస్వర్గమార్గనిరోధి తలఁప నెవ్వానికోదండపటిమ
దండకావనతపోధనభాగ్య మెవ్వానిపితృవాక్యపాలనవ్రతచరిత్ర
లంకాపురాంగనాలంకారభరపశ్యతోహరం బెవ్వానిసాహసంబు
గీ. దశముఖావరజాచంద్రతారభూరి, విభవసంధాత యెవ్వానిశుభకటాక్ష
మతడు సీతామనోహరుం డనుజసహితుఁ, డమరనుతలీలఁ జిరకాల మవని నేలె. 39

సీ, చూపరియడుగుమేల్తాపసి కేదేవదేవునిపదరజస్స్థేమ మామ
చిన్నిజాబిలితాల్పుసింగిణిరసదాడి కేస్వామిశుభకరం బిభకరంబు
మున్నీటిపెన్నీటి చెన్నుబన్నమున కేబలశాలిశరకీలి పనటిచూలి
తెఱగంటిపగతుమన్నెఱికంపుటంచగుంపునకు నేవిభుశరాసనము ఘనము
గీ. తాదృశానూనకరుణానిధానమాన, సాభిరాముఁడు భక్తియుక్తాంతరంగ
బుధజనవిలోచనచకోరపూర్ణసోముఁ, డఖిలగుణధాముఁ డగురాముఁ డతిశయిల్లె. 40

సీ. కొలిచిన వారికిఁ గెలనితంగెటిజున్ను నలసినవారికి నిలువనీడ
పేర్కొన్నవారికిఁ బెరటికల్చకశాఖి గణుతించువారికి గాఁడిసురభి
సేవించువారికిఁ జేరువమేరువు భావించువారికిఁ బట్టుగొమ్మ
చింతించువారికి జేతిచింతామణి మ్రొక్కినవారికి ముంగిటినిధి