పుట:Chanpuramayanam018866mbp.pdf/17

వికీసోర్స్ నుండి
ఈ పుట అచ్చుదిద్దబడ్డది

2

చంపూరామాయణము


చ.

నెమలికి నాట దిద్దువగ నెయ్యపుఁజిల్కకు గౌళమాధురిం
దమి యిడునేర్పు నీకు విదితం బగు నింక వరాళిచాలిగా
త్రమున రహింపఁజాలుట గదా! యరు దంచు విరించి మెచ్చ హా
సము నునువాతెఱం జొనుపు శారద పొల్చుఁ గృతీంద్రుసూక్తులన్.

6


చ.

అలఘుతమాగమాంతసముదంచితమౌ చిగురాకు విఘ్నమం
డలకులశైలఖండన మొనర్చు బలాసురఘాతిహేతి కం
దలదరవిందకాంతిహరణస్ఫురణాభరణంబు నిచ్చలుం
బలితపుగౌరుమోముదొరపాదయుగంబు శుభంబు లీవుతన్.

7


ఉ.

ఇం బడరంగ సద్గతిసమృద్ధినిదానము ధర్మ మేని ధ
ర్మంబు నెఱుంగఁజేయుమహిమం దగునట్టిది వేద మేని వే
దంబు భరించువారు వసుధాసురు లేని తదీయపాదప
ద్మంబులఁ దక్క నొక్కయెడ మామకమౌళిమదాళి వ్రాలునే.

8


శా.

ఆరాధింతు నిరంతరంబు నతులధ్యానప్రసూనంబుచే
ధారావాహికతర్కవాదపటుశబ్దగ్రంథవైజ్ఞానికున్
భారద్వాజసగోత్రు లోకవినుతాపస్తంబసూత్రు న్మహా
ధీరు న్మద్దురు నాగదేవగురునిం దిప్పార్యవర్యాత్మజున్.

9


క.

శుకభీష్మవిభీషణశౌ, నకశాక్త్యనరాంబరీషనారదుల వసి
ష్ఠ[1]కయాధుజరుక్మాంగద, బకదాల్భ్యులఁ బుండరీకు వ్యాసుఁ దలంతున్.

10


సీ.

కౌఠారధార యేఘనునిబాహాదండ మక్షరాక్షసమహావృక్షమునకు
శతకోటి యేమేటిజాగ్రన్నఖాగ్రంబు జంబుమాలిశరీరశైలమునకుఁ
గూటపాకల మేవనాటవీరుబలంబు జృంభమాణనికుంభకుంభిపతికి
నాభీలఫణధరం బేభవ్యువాలంబు కంపనప్రాప్రకంపనమున


గీ.

కతని శ్రీరామభద్రముద్రాంగుళీయ, దానసంతోషితావనీతనయు సనయు
గోష్పదీకృతవారాశి గుణవిభాసి, జవనభస్వంతు హనుమంతు సన్నుతింతు.

11


సీ.

మహికర్ణపుటశుక్తిమౌక్తికాకృతిధన్యు, యామునద్వీపాబ్జహేమగర్భుఁ
గాళికాముఖవీటికారసజ్ఞరసజ్ఞు నిజముఖాలోకివాణీవదాన్యు
మాలతీమాధవమేళనాద్భుతశీలు దశకుమారకథాసుధాసముద్రుఁ
బ్రణుతచంద్రాపీడగుణయథార్థితనాము శిశుపాలవధకృతిశ్రీకళత్రు

  1. హిరణ్యకశిపునిభార్య కయాధువు. ఆమెకొడుకు ప్రహ్లాదుఁడు.