పుట:Chandrika-Parinayamu.pdf/83

10

చంద్రికాపరిణయము

మ.⁠

అలమల్లక్షితిభృద్వతంసము సపక్షాభిఖ్యఁ జెన్నొంది రాఁ జలముల్ మాని ప్రతీపవార్ధిరశనాజానీంద్రు లొక్కుమ్మడిం గలితోద్యచ్ఛతకోటిసాధనబలఖ్యాతుల్ దిగం ద్రోచి స్వ స్థలసౌఖ్యంబులు గోర కందిరి వనస్థానస్థితిం జిత్రతన్.

⁠ 32

క.⁠

ఆ మల్లనృపతి చెన్నాం బామానినియందుఁ గాంచె మల్లక్షితిపున్ వ్యోమగవీసోమగవీ రామగవీశాచ్ఛకీర్తిరాజన్మూర్తిన్.

⁠ 33

సీ.⁠

తన యశశ్ఛద్మజీవనజాతమునకుఁ దో      యదపథంబు మధుప్రియంబు గాఁగఁ దన కలాదంభనర్తకికి వేలాగోత్ర      పరివృతాచల చారుఖురళి గాఁగఁ దన ప్రతాపవ్యాజదావవహ్నికిఁ దార      కాసంతతుల్ స్ఫులింగములు గాఁగఁ దన ధర్మకైతవధారాళవల్లికిఁ      గాంచనాచల ముపఘ్నంబు గాఁగఁ

⁠

తే.⁠

దన మహోదారతోపధివనదతతికిఁ గాండరుహజాండకోటు లఖండకరక కాండములు గాఁగ బింకోలుగండబిరుద కాంతుఁ డిల నేలె మల్లభూకాంతుఁ డెలమి.

⁠ 34

మ.⁠

అరు దై మల్లధరాధినాయక సముద్యద్భూరిధారాధరం బరిరాడాశుగభేదశక్తిఁ బటు మిత్రాలోకమోదప్రదో త్తరలీలావిభవాప్తి శత్రువనితాతాపాస్పదస్ఫూర్తిచే ధరఁ దార్చుం బరవాహినీవితతి కుద్భ్రాజత్కబంధాఢ్యతన్.

⁠ 35