పుట:Chandrika-Parinayamu.pdf/80

వికీసోర్స్ నుండి
ఈ పుట అచ్చుదిద్దబడ్డది


సీ.

అరిపురభేదనాయతదోర్బలస్ఫూర్తి
     నతరాజవర్ధనవితతకీర్తిఁ
గనదహీనాంగదకలితబాహాలీల
     ఖండితాహితఘనాఘనవిహేల
సద్గణరక్షణక్షమచరణాసక్తిఁ
     బటుచంద్రకోటీరభానిషక్తిఁ
దతసర్వమంగళాంచితగాత్రరుచిపాళి
     నచలధర్మోన్నతప్రచయకేళిఁ


తే.

బ్రకటదుర్గాధినాయకభావభూతి
వైరిదర్పకదాంబకవహ్నిహేతి
నవనిఁ బొగడొందె “సర్వజ్ఞుఁ” డనఁగ సింగ
ధరణిభృన్మౌళి తీవ్రప్రతాపహేళి.

22


తే.

అర్థిసాత్కృతసురభి, పరాళిసురభి,
సుగుణవల్లీప్రకాండైకసురభి, కీర్తి
జితసురభి, శౌర్యసురభి నా సింగనృపతి
పరఁగఁ దద్వంశమును గాంచె “సురభి”సంజ్ఞ.

23


క.

ఆరాజదన్వయంబున
ధీరాగ్రణి పెద్దశౌరి దీప్తాసి[1]మహ
స్స్ఫారాహతధారాహత
వీరాహితగోత్రుఁ డగుచు వెలసెన్ ధరణిన్.

24


సీ.

ఏమాన్యు నతిభీమభీమప్రతాపంబు
     తాపంబు శాత్రవతతికిఁ గూర్చు
నేవీరు ఘనసారహితకీర్తికాండంబు
     కాండంబు నెల్లెడ నలమి పొల్చు

  1. ‘మహస్సార’ అని పాఠాంతరము