పుట:Chandrika-Parinayamu.pdf/79

6

చంద్రికాపరిణయము

చ.⁠

వికలితపంకజాతనవవిభ్రమమై, ఘనగోధ్రతాభిభూ తకమఠనాథమై, యరుణధామవిభాసితమై, ద్విజోత్తమ ప్రకటితహార్దయోగభరభావుకమై, ధరయందుఁ బద్మనా యకకుల ముద్భవించె నటనాత్మజనుష్పదతుల్యవైఖరిన్.

⁠ 18

క.⁠

ఆసంతతిఁ జాపకళా వాసవి చెన్నొందె సింగవసుధేంద్రుఁడు ఘో రాసిమహోరాశిమహో ద్భాసిహుతాశావలీఢపరవంశకుఁ డై.

⁠ 19

సీ.⁠

నిజకటకాశ్రితద్విజపోషణమున నె      వ్వని సార్వభౌమత ఘనత గాంచుఁ బరమహాహీనసద్బలవిభేదనలీల      రమణ నెవ్వని నరేంద్రత్వ మలరు గంధాంకకైరవకాండలుంటాకధా      మమున నెవ్వని యినత్వము సెలంగు జాగ్రద్ఘనాఘనసాంద్రమదాపహ      శక్తి నెవ్వని మహేశ్వరత వొసఁగు

⁠

తే.⁠

నతఁడు వొగడొందు జయశాలి, యహితసాల కీలి, యతిదీప్తినిర్ధూతహేళి, యమర విసరసన్నుతనయకేళి, యసమసుగుణ విజితభువనాళి, శ్రీసింగవీరమౌళి.

⁠ 20

చ.⁠

కరు లరిసంవృతాత్మకటకంబులు, విష్ణునిబద్ధవిగ్రహుం డురగవిభుండు, కూర్మవరుఁ డుద్ధతభూభృదుదీర్ణమూర్తి, భూ ధరము లరాతికాండగణదారితగాత్రము లంచు మేదినీ తరుణి వరించె సింగవసుధావరు నప్రతిమానవిక్రమున్.

⁠ 21