పుట:Chandrika-Parinayamu.pdf/76

వికీసోర్స్ నుండి
ఈ పుట అచ్చుదిద్దబడ్డది

ప్రథమాశ్వాసము 3


సీ.

వనరాశిభంగంబు గనఁజేసె నెవ్వాఁడు
    కరముచేఁ బర్వతో త్కరముచేత;
ఘనవలాహకశక్తిఁ గలఁగించె నెవ్వాఁడు
    రుతముచే వేగమారుతముచేత;
నరిపురవిస్ఫూర్తిఁ బరిమార్చె నెవ్వాఁడు
    హేతిచే నిజనఖహేతిచేత;
తతమహామిత్త్రవర్ధన మూన్చె నెవ్వాఁడు
    క్షణముచే మధురవీక్షణముచేత;


తే.

నవని నెవ్వాఁడు జానకీస్వాత్మసూచ
నాంజనాత్మజవిఖ్యాతి నధిగమించె;
నతని మామకకృతిచమత్కృతికిఁ దలఁతు
మహితధీమంతు హనుమంతు మానవంతు.

8


సీ.

సర్వతోముఖచరత్సారద్విజాలంబ
    వాచానిరూఢిచే వఱలె నెవ్వఁ
డతిపరాశరముదాహతిభారతోజ్జ్వల
    ప్రక్రియావిస్ఫూర్తిఁ బరఁగె నెవ్వఁ
డభిరూపచక్రచిత్తార్హార్థగౌరవ
    ప్రతిపాదనప్రౌఢిఁ బ్రబలె నెవ్వఁ
డవిగతఘనరసవ్యాయతహృదయంగ
    మేరామహోన్నతి నెసఁగె నెవ్వఁ


తే.

డతులితాత్మైక్యభావనాయత్తవాణి
కావిహృతి మించె నెవ్వఁడా ఘనునిఁ బ్రథమ
కవిని గృష్ణునిఁ బ్రథితభారవి మయూర
కవిని గాళిదాసు నుతింతుఁ గౌతుకమున.

9