పుట:Chandrika-Parinayamu.pdf/298

సీ.⁠

చానచెక్కిలిపేరి చంద్రఖండమున భా      స్వత్కరజక్షతి వఱల నీక, జలజాక్షిగుబ్బగుబ్బలుల సద్వజ్రశ      యోన్నతసమ్మర్ద మొంద నీక, సతిరదనాంశుకచ్ఛలసుమాసవమున      నలరుద్విజావళి నాన నీక, నెలఁతతనూపద్మిని విగాఢదోషాను      బంధనిర్బంధంబుఁ బడయ నీక,

⁠

తే.⁠

తార్చెఁ బర్వంబు, పక్షపాతంబుఁ గూర్చె నుంచె నామోద, మొసఁగెఁ బద్మోదయంబు నంత సుమశస్త్రశాస్త్రరహస్యతత్త్వ మదనభుండు సుచంద్రక్షమావిభుండు.

⁠ 134

తే.⁠

అతనుశాస్త్రవిభేదంబు నాదిఁ గాంచి యంత నద్వయభావనాయత్తవృత్తి నలరి తత్ప్రియసాయుజ్య మంది పొందె నసదృశానందమయత నబ్జాక్షి యపుడు.

⁠ 135

చ.⁠

తొలుత దృశావిలాసములు, తోరపుటాననవిభ్రమంబు ల వ్వల, నటుమీఁద నావయవవైఖరులుం గనుపట్ట నాన యన్ బలుతెర నారతిస్మరులు పట్టి సడల్పఁ, గ్రమంబున న్వధూ తిలకము రాజమౌళికి మది న్ముద మూనిచె నర్తకీగతిన్.

⁠ 136

క.⁠

కంతుకలాపారగ మగు స్వాంతమునం దిటులు రాగవల్లిక మెఱయన్ గాంతుఁడు కాంతామౌళికి నెంతయు సంతసము నూన్చె హితనవరతులన్.

⁠ 137