పుట:Chandrika-Parinayamu.pdf/244

యద్రికన్యాబ్ధిముఖ్యవిధావినిర్యాత
పాంచాలభూపాలభాగ్యలక్ష్మి,
దివ్యాళిపరివారదేవతాజనమధ్య
తలరోచమానకందర్పవిద్య,

తే. తనువిభాద్విగుణీభూతధాగధగ్య
సంగతానర్ఘమణిపరిష్కారయుక్త
తన్మహారాజపుత్త్రిక ధరణినాయ
కాజ్ఞ సొగ సెచ్చ నాస్థాని కపుడు వచ్చె. 35

ఉ. వచ్చుసువర్ణగౌరి జనవర్యకుమారి విలోచనంబులం
గ్రచ్చుక పట్టి యచ్చటిధరాపతిసూనునికాయ మయ్యెడ
న్మెచ్చి నుతించె నిశ్చలత మేనులఁ గన్నుల సమ్మదాశ్రువు
ల్మచ్చిక లాత్మ నౌదలఁ జలాచలభావము నివ్వటిల్లఁగన్. 36

సీ. క్రొమ్మించుతీవయో క్రొమ్మించుతీవకు
నిశ్చలాంగద్యుతి నెగడు టెట్లు,
జాళువాబొమ్మయో జాళువాబొమ్మకు
మేనఁ జల్లనితావి మెలఁగు టెట్లు,
మందారవల్లియో మందారవల్లికి
మందయానంబు పెంపొందు టెట్లు,
మరుఁ డెక్కుదంతియో
మరుఁ డెక్కుదంతికిఁ
బలువాక్యనైపుణుల్ గలుగు టెట్టు

తే. లౌర యీనారిచారుశృంగారభంగి
బళిరె యీచానసౌందర్యవిలసనంబు,
లహహ యీబోటిబిబ్బోకహావగరిమ
మనుచు కొందఱు వర్ణించి రనుపమోక్తి. 37