పుట:Chandrika-Parinayamu.pdf/235

వికీసోర్స్ నుండి
ఈ పుట అచ్చుదిద్దబడ్డది

శ్రీలక్ష్మీనరసింహాయనమః

చంద్రికాపరిణయము

పంచమాశ్వాసము

క. సుభగంభావుకఘనకౌ
స్తుభ! సాధ్వవనసహకృత్వదుర్దమచక్రా!
ప్రభవాసురసర్వంకష
విభవమ్మన్యప్రతాపవృత! గోపాలా! 1

తే. చిత్తగింపుము శౌనకా ద్యుత్తమర్షి
సమితి కిట్లను రోమహర్షణతనూజుఁ
డువిద తద్రాజచంద్రైకవివరిషావి
ధానపాణింధమాత్మచేఁ దనరునపుడు. 2

మ. సుతతారుణ్యశుభోదయస్థితి తదస్తోకాశయాలంబితే
హితము న్బోటులచే నెఱింగి, తదమూల్యేష్టార్థసంసిద్ధికై
చతురత్వంబునఁ దత్స్వయంవరవిధిన్ జాటింపఁ బంచెన్ భట
ప్రతతి న్వే క్షణదోదయేశ్వరుఁ డతిప్రహ్లత్తిలిప్తాత్ముఁడై. 3

చ. ధరణీనాథభటచ్ఛటాముఖరితోద్యచ్చంద్రికైకస్వయం
వరకర్ణేజపడిండిమాదికమహావాదిత్రనాదంబు దు
స్తరమై యత్తఱిఁ బొల్చె నద్భుతగతి న్సప్తార్ణవీమధ్యభూ
వరకోటీపుటభేదనౌఘవిశిఖావల్గుప్రఘాణంబులన్. 4

మ. శ్రవణాభ్యుత్సవపోషయిత్నుసముదంచద్భూరిభేరీసము
ద్భవభాంకారము లప్డు మేల్కన నదభ్రప్రావృషేణ్యాంబుదా
రవభంగి న్సుమకాండకోదయసమగ్రత్వంబు చాలం దలం
ప విచిత్రం బొకొ? చిత్తవీథి నవనీపశ్రేణికిం జేరుటల్. 5