పుట:Chandrika-Parinayamu.pdf/216

చ. లలనలు వాఃప్లుతాంశుకములన్ సడలించి తగం భరించి మేల్
చలువల నైకజాతిసుమజాలసరంబులు వేణిఁ దాల్చి ని
చ్చలు వలనై కనంబడులసన్మణిమాలిక లూని పూసి మై
చలువల నైకమత్యగతిఁ జాలిన తావుల నొప్పు గంధముల్. 77

క. అతిపావనచాతురి నా
క్షితిపాలకపుత్త్రిక గయిసేసి యలవనిన్
రతినాయకదేవార్చన
రతి నాయక లపుడు పూని రమ్యోత్కలికన్. 78

సీ. మాకందములు మహిమాకందములు కొన్ని
యింపైన ఫలముల నిచ్చుచోట,
సురసౌఘము లుదారసురసౌఘములు కొన్ని
యురుమకరందంబు గురియుచోట,
సుమనంబు లభిరామసుమనంబు లొకకొన్ని
క్రొన్ననల్ చాలఁ జేకూర్చుచోట,
రాగంబులు గళత్పరాగంబు లొకకొన్ని
పుప్పొడిధూపముల్ పూన్చుచోట,

తే. నెట్టన యశోకకిసలము ల్మట్టుమీఱి
యుట్టివడఁ గాయు లేయెండఁ బుట్టి యెలసి
నట్టి చెలువునఁ జూపట్టు మెట్టదమ్మి
తీవెగమి తమ్మియారతుల్ దీర్చుచోట. 79

చ. అలఘుమరందవర్షమహిమాతిశయమ్మున సప్తలాద్యమం
దలతల మంచుపొన్నగమి దార్కొనుపందిరిక్రింద వేదికం
దలతల మంచు మించుసుమనవ్యరజంబులఁ దార్చి తారలం
దలతల మంచు నొప్పెడుకనత్కలికాతతి మ్రుగ్గువెట్టుచున్. 80