పుట:Chandrika-Parinayamu.pdf/150

వికీసోర్స్ నుండి
ఈ పుట అచ్చుదిద్దబడ్డది

సీ. మాతంగయుతదావమహికన్నఁ గొంచమే
వరవిప్రవృతకేళివనధరిత్రి,
ఘనపంకమయశైవలినికన్న నల్పమే
యమలహంసాంచితాబ్జాకరంబు,
శైలాటగృహదగచ్ఛటకన్నఁ దక్కువే
సద్వితానోద్యోతసౌధపాళి,
యనిశ మిరాశనంబునకన్న నింద్యమే
పుణ్యసుదృక్కృతభోజనంబు,

తే. కాన నీకాన నీవృత్తిగరిమ మెల్ల
మాని నే మానితప్రీతిమహిమఁ గొల్వ
మౌని యిమ్మౌనిలింపసద్మంబుఁ జేరు
దాన మోదానపాయత దాల్తు విపుడు. 112

చ. పలుమఱు వట్టిపల్కు లిఁకఁబల్కఁగ నేల యతీంద్ర, త్వత్సము
జ్జ్వలతరరూపయౌవనరుచావరవిభ్రమకౢప్తమోహ నై,
బలుతమి నిన్నుఁ జేరి ధృతిఁ బాసిన నన్ రతిఁ జొక్కఁజేయు ము
త్కలికల నీకధీనగతిఁ దాల్చితి సూనశరుండు సాక్షిగన్. 113

చ. అని మునిరాజునిశ్చలత నాత్మవచోర్థచయోరరీకృతిన్
మనమున నిశ్చయించి యలమత్తమతంగజయాన యేమి వ
చ్చిన నిఁక వచ్చుఁ గాక యని చిక్కనిధైర్యము పూని యేలు న
న్ననుపమరక్తి నంచు దమిహస్తముఁ బట్టి కళం దెమల్చినన్. 114

క. ఆతఱి నాయతివర్యుం
డాతతముగఁ దెఱచె లోచనాబ్జములు మనో
భూతప్రతిఘోజ్జ్వలన
స్ఫీతజ్వాలద్విలోలజిహ్వాంచలుఁ డై. 115