ఈ పుట అచ్చుదిద్దబడ్డది
సీ. జవరాలినునుగుబ్బచన్నులఁ జేరుట
వసుధాధరస్థలీవసతి గాఁగ,
నతివరత్యంతశ్రమాంబులఁ దోఁగుట
నమరాపగావగాహనము గాఁగ,
తెఱవకెమ్మోవిక్రొందేనియ ల్గ్రోలుట
నిరుపమామృతపానసరణి గాఁగ,
కొమ్మతో రతికూజితమ్ములు నొడువుట
సరసాగమాంతాళిచదువు గాఁగఁ,
తే. దలఁపఁ బద్మాంబకాభిఖ్యదైవతంబు
మసలక దయారసంబున నొసఁగు సు మ్మ
ఖండితానందగరిమ నిక్కలన మనుము
వట్టి యీఖేదకనివృత్తి గట్టి మౌని. 106
సీ. పరమకాశ్యాకృతిఁ బ్రబలదే నియమీశ
సోమమండలదాస్యరోమవల్లి,
యనవద్యమధురాత్మ నలరదే మునికాంత
జలరుహేక్షణమధుస్రావిమోవి,
పురుషోత్తమస్థేమఁ బొసఁగదే యతిచంద్ర
యచలకల్పోరోజ యలఘునాభి,
శ్రీరంగవైఖరిఁ జెలఁగదే దమివర్య
కనకజాతీయాంగి కన్నుదోయి,
తే. యగుట నిత్యపవిత్రరూపాప్తి నడరు
కలికితోఁ గూడి యుండినఁ గాక కలదె
యతనుసుఖరాశి యిట్టి మహాఘదాయి
ఘోరకాంతారమహి నున్నధీరముఖ్య. 107
