పుట:Chandrika-Parinayamu.pdf/145

తే. నిట్టు లప్పారికాంక్షి కహీనమదన
తంత్రవిజ్ఞానగరిమను దరుణి దెలుప
వల్లి దోహదచర్య దైవాఱ నపుడు
హాళి దళుకొత్తఁ దద్వనీకేళి సలిపె. 94

సీ. దమి దీన నైనఁ జిత్తము బయల్పఱచునో
యని సంచరించు నభ్యర్ణపదవి,
ముని దీననైన నూతనరక్తిఁ దాల్చునో
యని పాడుఁ దేనియల్ చినుకుపాట,
శమి దీననైన నిశ్చలభావ ముడుపునో
యని పొదల్ దూఱు లతాళి గదల,
యతి దీననైన ధైర్యముఁ బాయఁ జేయునో
యని పల్కు సఖుల నొయ్యారి పలుకు,

తే. నియమి దా దీననైనఁ గన్విప్పు నొక్కొ
యని మసలు దండ రాసాప్తి నాళియుక్తి,
నైన నానాతి చిత్రచర్యానిరూఢిఁ
దాపససమాధివైఖరి దఱుఁగ దయ్యె. 95

ఉ. ఆయతిలోకమౌళిహృదయంబు బయల్పడ కున్కి గాంచి యా
తోయజనేత్ర యాళితతితో మునిసన్నిధిఁ జేరి జాళువా
కాయలవీణె గైకొని తగన్ శ్రుతిఁ గూర్చి యొయార మెచ్చఁగా
నాయెడ నేర్పు మించ గమపాదికపుంఖణ మూన్చి వేడుకన్. 96

సీ. ఘనమార్గవిభవంబు వనితవేణినె గాదు
శ్రుతిపర్వరాగసంతతి నెసంగె,
సమతాళవిస్ఫూర్తి సతిగుబ్బలనె గాదు
నవ్యగీతప్రతానముల నెనసెఁ,