పుట:Chandrika-Parinayamu.pdf/131

వికీసోర్స్ నుండి
ఈ పుట అచ్చుదిద్దబడ్డది

చ. కటకట సర్వలోకశుభకాంక్ష లొసంగుచు నిచ్చ మించు మీ
కిటులభజింపరాని యవిహీనవిపత్తిక సేరె నెట్లు, త
త్పటిమ హరింతుఁ దెల్పుఁ డన పద్మజుని న్మనువర్ణదేవతా
పటలము మ్రొక్కి యిట్లనియెఁ బాయని దైన్యము మోముఁ జెందఁగన్. 36

శా. ఆరమ్యాగమమార్గగద్విజశరణ్యం బై యిలం బారిజా
తారణ్యంబు సెలంగు, నయ్యటవి బ్రహ్మత్వంబు రాఁ గోరి దు
ర్వారాత్మద్రఢిమాప్తి మామకజపవ్యాపారపారంగతుం
డై రాజిల్లు తపస్వి యొక్కఁడు వసంతాభిఖ్య నింపొందుచున్. 37

చ. కనఁ డితరంబు, దా వినఁ డొకానొక విప్రవరోక్తిఁ, బల్కఁ డిం
పున నొకమాట, నిట్టి దమభూషితుఁడై ముని నిశ్చలాంతరం
బెనసి యతృప్తికృజ్జపసమేధనవైఖరి మించుఁ, దత్ప్రవ
ర్తన మిటు లయ్యె, దీని నొకదారి నడంపఁగఁ జూడు మిత్తఱిన్. 38

చ. అన వనజాసనుం డలమహాయతి యెంతకుఁ జొచ్చె నౌర! స
జ్జనవినుతాజభావగతిఁ జక్కగ నొందెడివాఁడె , యెట్టు లై
న నొక నవాంతరాయము వెనంగఁగఁ జేసెద నంచుఁ జింతతోఁ
దనరఁగ నుండ, నప్పు డగదారి విరించిగుఱించి యిట్లనున్. 39

చ. యతి యన నెంత! తన్మనుజపైకసమాధి యనంగ నెంత, త
ద్వ్రత మన నెంత! యియ్యెడ ముదంబున విఘ్నము దార్తు రిమ్మరు
త్సతు లఖిలేశ! యిట్టి సురతామరసేక్షణ లుండ, లోకసం
తతినుతశక్తి మించు రతినాయకుఁ డుండ, విచారమేటికిన్? 40

సీ. ఏలదే? బంటుగా నీమేనకాకాంత
యచలగాధికుమారు నంతవాని,
నేఁచదే? సొబగుచే నీధాన్యమాలిని
వింతగా శాండిల్యు నంతవాని,