పుట:Chandrika-Parinayamu.pdf/120

వికీసోర్స్ నుండి
ఈ పుట అచ్చుదిద్దబడ్డది

క. అలరారు వేడ్కఁ దద్గిరి
కులరాడ్వైభవముఁ గాంచు కుతలేశ్వరుతో
నలరాచెలి యిట్లను మధు
జలరాశితరంగనినదజయయుతఫణితిన్.

సీ. కరిరాజధీపూరపరిరాజితోదార
హరిరాజిహృతసారశరదపాళి,
నగచారివరజాతమృగచాతురీభీత
మృగచాలనోద్భూతపృథులధూళి,
సకలాజరీగూహనకలావిలీనాహ
పికలాపినీవ్యూహబిలగృహాళి,
లలితాపగోర్మితరలితాసితాబ్జాత
గలితాసవజసాతివిలసనాళి,

తే. మహిప! కనుఁగొను తనుజనుర్మహిమజనన
జనకకలరవకులరవధ్వనితసురభి
భరితఘనరవవనచరతురగవదన
కులజలదచూళి యిమ్మహాకుధరమౌళి. 7

మ. జననాథేశ్వర! కంటె? రత్నకటకాంచత్స్వర్ణమౌళ్యాప్త మై,
యనిశాత్యాశ్రితరాజసింహనిచయంబై, సంవృతానేకవా
హిని యై, చందనగంధవాసితము నై, యీశైలవర్యంబు దాఁ
దనరెన్ నీవిట నొందుమాత్రనె భవత్స్వారూప్యముం గాంచెనాన్. 8

చ. అనుపమధాతుధూళియుతి, నంచితకుంజనిషక్తి నొప్పు నీ
ఘనసితరత్నగండతటిఁ గ్రాలెడుపొన్న నృపాల! కాన్పు తె
ల్లని తొలుగౌరు నెక్కినయిలాధరవైరియె చుమ్ము, కానిచో
నొనరునె దేవవల్లభతయున్, సుమనోభరణంబు దానికిన్. 9