పుట:Chandrika-Parinayamu.pdf/106

బహువజ్రభూషల భాసిల్లు నేరాజు
దనరు నేరాజు సత్కవిహితాత్మఁ,
బరదేవహరణచాతురి నొప్పు నేరాజు
బలయుక్తి నేరాజు పరిఢవిల్లుఁ,

తే. జెలఁగు నేరాజు నిచ్చ యశృంఖలైక
లక్ష్ము లొప్పారఁ దను ఘను ల్భక్తిఁ గొలువ,
నహహ యారాజు దనరు దివ్యప్రణుత్య
మానితగుణాంశపరిజితామర్త్యరాజు. 116

మ. పరిసంవర్ధిత చంద్రనాగకులరాట్పద్మామృతం బై నిరం
తరముం బొల్చు తదుర్వరాధిప సముద్యత్కీర్తివారాశి పం
కరుహాజాండము నిండుటల్ నిజ మటుల్ గా కున్నచోఁ బుష్కరా
న్తరసీమం గనుపట్టునే తరణిమణ్డల్యేకసంచారముల్. 117

చ. అలఘుసమిత్తలంబున మహామహిమంబునఁ బొల్చు నాకుభృ
త్కులమణిదోఃప్రతాపశిఖికూట మిభశ్రుతివీజనానిలం
బులఁ గడుఁ బర్వినం గరఁగుఁబో యని కాదె యజాండసీమకున్
వలగొనఁ జేసె ధాత యనివార్యజలావరణంబు నేర్పునన్. 118

సీ. గురుతరత్వచిసారగుల్మోత్కరమ్ములు
సరసవిహారమందిరము లయ్యె,
ఘనకందరాముఖోద్గతఝరీజాలంబు
కేళికాదీర్ఘికాపాళి యయ్యెఁ,
గటకశోభితతతగ్రావకూటంబు లు
ద్భ్రాజదాస్థానవితర్దు లయ్యె,
నభినవశతపర్వికావృతాధిత్యకల్
కలితప్రసవతల్పకులము లయ్యె,