పుట:Chandamama 1948 01.pdf/36

వికీసోర్స్ నుండి
ఈ పుటను అచ్చుదిద్దలేదు
 అంచేత నక్క మోసం కాకి పిల్లకి తెలుసు. నక్క అడిగిన ప్రశ్నకు జవాబు చెపితే, తన నోరు తెరవాలసి వస్తుంది. అప్పుడు నోట్లో మాంసం ముక్క క్రిందపడిపోతుంది. దానిని కాస్తా నక్కనోట్లో వేసుకు పోతుంది. ఆసంగతంతా కాకిపిల్ల, చదువుకున్నది కనుక, ఆలోచించుకొని, నక్క అడిగిన ప్రశ్నకు జవాబు చెప్పకుండా, అవునని తలవూపింది.
 నక్క తనఎత్తుసాగలేదని, ఇంకా కొంచెం పెద్దఎత్తు వేదామనుకున్నది.
  " మరదలా, నువ్వు సంగీతం నేర్చుకున్నావట. నాకు సంగీతం అంటే చాలాయిష్టo. ఒక్క పాటపాడు, మరదలా", అందినక్క.
   పొగడ్త అంటే ఎవరైనా చెవికోసుకుంటారు కదా! నక్క పొగడ్తకు కాకిపిల్ల కొంచెం ఉబ్బిపోయి పాట పాడింది.
   అయితే, చదువుకున్న కాకిపిల్ల కదూ! అంచేత, నోట్లోవున్న మాంసం ముక్కను ముందుగానే తన కాలి గోళ్ళతో తీసి పట్టుకుని పాట పాడింది.
  నక్కకోరిక, పాపం, ఈసారీ నేరవేరలేదు. కాకిపిల్లను మోసం చెయ్యడం ఎలాగా అని ఆలోచించి, ఇంకాస్త పెద్ద యెత్తు వేదామని, ఇలా అంది. "మరదలా, ఎంత బాగాపాట పాడావే! ఆహాహా, నా చెవులతుప్పువదిలిపోయిoదే.