ఈ పుట ఆమోదించబడ్డది
' ఆకలేస్తే పాలకోసం
అమ్మ నేమని అడుగుతావ్ '
అని అడిగింది పిల్లికూన.
" మ్యావ్ మ్యావ్ మ్యావ్ మ్యావ్ " అని బోధించింది పెద్దపిల్లి.
పిల్లికూనకి తల్లిభాష దొరికింది. మ్యావు మ్యావు మని పాడుకుంటూ ఒక ఇంట్లోకి వెళ్లింది. ఆ యింట్లో శారద అనే అమ్మాయి ఉంది. " మ్యావు మ్యావు " అంది, తల్లిలేని పిల్లికూన. శారద దానిభాష తెలుసుకుంది.
" ఓహో! ఆకలేస్తోందా పిల్లికూనా, పాలు తెస్తాను తాగు " అని శారద ఒక పళ్లెంనిండా పాలుపోసి తెచ్చింది. పిల్లికూన సంతోషంతో పాలన్నీ తాగింది. తరవాత పిల్లికూనా, శారదా చాలాసేపు ఆడుకున్నారు. ఆఖరికి అలసిపోయి శారద నిద్రపోయింది. పిల్లికూన కూడా ఒకమూల హాయిగా నిద్రపోయింది.
ఇక కథ కంచికీ, మనం ఇంటికీ.
