ఈ పుట ఆమోదించబడ్డది
పిల్లికూన అంది:
'భౌభౌమని అరవలేను
బాగులేదు కుక్కభాష
మాతృభాషతప్ప నాకు
మరోభాష వద్దు వద్దు.'
అని పిల్లికూన అక్కణ్ణుంచి వెళ్లిపోయింది. దారిలో కోడెదూడ కనబడింది. అడిగితే, అంభా అని అరవమంది. పిల్లి కూనకి ఆ భాషా నచ్చలేదు. కాకిపిల్ల కనబడింది. కాకా అని అరవమంది. కప్పపిల్ల కనబడింది. బెకబెకమని పిలవమంది. మేకపిల్ల కనబడింది. మేమే అని అడగమంది.
పిల్లికూన ఏడుస్తూ వెళ్లిపోయింది. ఈ భాషలేవీ నాకు వద్దనుకుంది.
ఆఖరికి ఒక పెద్దపిల్లి కనబడింది. ఏడుస్తున్న పిల్లికూనని బుజ్జగించి,
'పిల్లికూనా, పిల్లికూనా
ఎందుకమ్మా ఏడుస్తావ్?'
అనిఅడిగింది.
14