బొబ్బిలియుద్ధనాటకము. 72
బుస్సీ. - ఏమి రాజా ? మమ్ముల నందఱను ఇక్కడ గుండాన వైచుటకు తెచ్చినారా !
రాజు. - నేను ముందే చెప్పలేదా ? నన్ను బొబ్బిలివారి బట్రా జంటిరే !
చ. - [ప్రవే.] సర్కార్, మర్గయా అనమరల్లీఖాన్ ; మర్గయా సర్కార్ ; అనరమల్లీఖాన్ ; మర్గయా :
[అని నిష్క్రమించును.
ద్వి. - [ప్రవే.] సర్కార్, పేపేఖాన్ లెగిశినాడు. మనవాళ్లు ఇప్పుడు కాపు పేటమీద వున్యారు. కాపుపేట వాళ్లకీ కిందా వుంది.
(అని నిష్క్రమించును.
తృ. - [ప్రవేశించి] మన హర్కారా వుండ్లే కూకూభాయి, ఆడు దారిలో బాణం తగిలి మర్గయా, మేం ఇంకా మర్గయాలేదు.
(అని పో నుంకించును.
దౌవాకుఁడు. - అరే హర్కారా జవాన్, నీవు ఇంకా మర్గయా లేదూ అన్యావే, నీవు కూడా మర్గయా అయినావు వోయి, లేక్పోతే యెందుకీ తెచ్చినావు వోయి ఆకూకూగాడిది షమాషారమ్?
తృ. - అరే మేము ఇంకా మర్గయా లేదూ అంటే !
దౌవా. - ఉందీ అంటే !
తృ. - అరే లేదురా అంటే !
దౌవా. - అరే ఉందీరా అంటే.
తృ. - నీకి ఇప్పుడు మర్గయా చేస్తాన్.
[అని కత్తి దూయును.
దౌవా. - ఎగ్తాళికి చెప్పినాన్ భాయి.
తృ. - నీకీ యెగ్తాళీ వుంది, మాకీ సావు వుంది.
దౌవా. - అదే నేను చెప్పినమాట. పోభాయి పో.
[తృ. నిష్క్ర.
చ. - [ప్రవేశించి] సర్కార్ సలాం, పెద్దబురుజు వుందీ లేదు, దాన్కి బేతాళం నామ్ చెప్తారు. ఆబేతాళబురుజుమీద్కి మన్వాళ్లు నిచ్చెనలు వేసియెక్తారు; ఎక్కినంత మంది ఖందకం వుందీ లేదు కిందా ; అందులో పడ్తారు. ధూరాన్కి చీమల్బారు కన్పడ్తుంది. బారు ఎక్కుతుంది, నిచ్చెన జాడించినారు లాగ బారు పడిపోతుంది. ఎల్గుబంటిబారు ఎక్తుంది, కోతుల్బారు పడ్తుంది
[అని నిష్క్రమించును.
[తృ. మిక్కిలి రోఁజుచు మహాసంభ్రమముతో ప్రవేశించును.
బూసీ. - ఏమిరా యీయడావిడి?
తృ. - సాబ్ ! ఏమిచెప్పడం ; పెద్ద ఫిరంగిగుండు నాకీభాఅని తర్ముకొనివచ్చింది, బురుజుమీదానుంచీ. నేను దాన్కీకంటే ముందు రావాలకోసం బలేపగ్గు మేవచ్చినాన్, దాన్కి చేత గాభరా అయింది.