ఈ పుట ఆమోదించబడ్డది
34
బొబ్బిలియుద్ధనాటకము.
మాంత్రికుఁడు. - ఈసమయములో ఆపని చేయరాదు. పొరఁబాటున విషబీజము లిందును అమృతబీజము లందును పడినయెడల కొంప మునుఁగును; ఇప్పు డే మయిన మంత్రప్రయోగము చేయవలయును.
శాస్త్రి. - మంత్రాలకు మామిడికాయలు రాలవు. ఈసమయములో ఇంద్రజాలము అక్కఱకు వచ్చును.
వేదాంతి. - శాస్త్రులుగారూ ! ఈపెండిండ్లు ఈముట్టడులు చూడఁగా లోకవృత్త మంతయు ఇంద్రజాలముగానే అగపడుచున్నది ! అయ్యా,
ఆ. సుఖము లెల్లఁ గలలు, శోకంబులును గలల్;
తా ననెడు తలంపు హానిఁ దెచ్చె;
అరయ నింద్రజాల మఖిలప్రపంచంబు,
నిత్యసత్య మాత్మ నెగడు నొకటి. ౩౬
శాస్త్రి. - అవును వాస్తవమే ! ఇట తడయఁజనదు. [అని అందఱు నిష్క్రమింతురు.
- ___________