పుట:Bilva Mangala, Sri Pada Kameswara Rao.pdf/106

వికీసోర్స్ నుండి
ఈ పుట అచ్చుదిద్దబడ్డది

రం 4] బిల్వమంగళ 103

                                 కట్టికుడుపుచు నున్న పాపము ♦ లెట్లు నశియించున్?
                     పొమ్ము కృష్ణుని నరసిరమ్మా ♦ అమ్ముకొందును నీకు దేహము
                                 తెమ్ము కృష్ణుని లేకయుండిన ♦ వమ్ము బ్రతుకు సుమా?
                     ఏల తీసెదు నాదుప్రాణము ? ♦ జాలి యిసుమంతైన లేదా ?
                                 కలయె కద సంసార మంతట ♦ కలుగు చేటు యిటుల్.
                     కాటి కిక నే కాలుసాచితి ♦ నీటముంతువొ పాల ముంచెదొ
                                 కూటికిని మరి గుడ్డకేనియు ♦ కోరబోను నినున్.
                     నాకు తోడుగ నిట్టియడవిని ♦ పాకులాడగనేల నీవిక
                                 నీకు తెలుసును తెమ్ము కృష్ణుని ♦ పోకు పెరపోకల్.
                     ప్రేమక్షుధ దహియించుచున్నది ♦ నా మనో వాంఛితము తీరదు
                                 కామజనకుని గాంచగల్గిన ♦ కామమే యడుగున్.

గోపా - నే నెంత మొరపెట్టినా ఆహారము నంటకున్నావు?

బిల్వ - తింటాను కాని నీవుపో, నీవు నాదగ్గరుంటే కృష్ణుని మీదికి నాచిత్తము పోనే పోదు. త్వరలో పోయిరా బాబూ?

గోపా - భోజనము చేసెదవా ? నేను కాక వేరెవ్వరు నిన్నిట్లు నిర్బంధించేవాళ్లు? బ్రహ్మారాక్షసి భీతిచేత ఇక్కడి కెవ్వరూ రారు.

బిల్వ -

                      అరుగు మిప్పుడే నీవు - గోపాలా - బాధ - భరియింపజాలను ||గో||
                      నల్లనయ్య చిక్కడాయె-గో|| మనసు-తల్లడిల్లు చున్నదయ్య||గో||