నైతేనేమి మన వెలుగు ఇరుగుపొరుగు వాళ్ళమీద ప్రసరించాలి. కనుక మనం ఉత్సాహంతో ప్రేషిత సేవకు పూనుకోవాలి.
3. వెలుగుకు సంబంధించినవాళ్ళ ప్రధాన లక్షణం సోదర ప్రేమ, తోడి నరులను ప్రేమించేవాడు వెలుగులోను, ప్రేమించనివాడు చీకటిలోను వుంటాడని రూఢిగా చెప్పవచ్చు - 1యోహా 2,9-11. ఈ సూత్రాన్ని ఆధారంగా తీసికొని మనలో వెలుగెంత వుందో, చీకటి యెంత వుందో నిరంతరం వరిశీలించి చూచుకొంటుండాలి.
4. బైబుల్లో చీకటి పాపానికీపిశాచానికీ చిహ్నంగా వుంటుందని చెప్పాం. జ్యోతిర్మయుడైన ప్రభువుని అనుసరించే మనం ఈ పాపాన్నుండి పూర్తిగా వైదొలగాలి. 'రేయి ముగియవచ్చింది. పగలు సమీపించింది. ఇక మనం చీకటికి సంబంధించిన పనులను మానివేద్దాం. పగటివేళ పోరాడ్డానికి ఆయుధాలు ధరిద్దాం" - రోమా 13.12.
నిద్రితుడా! మేలుకో
మృతులలో నుండి లే
క్రీస్తు నీపై ప్రకాశిస్తున్నాడు - ఎఫె 5, 14.
6. జీవాహారం
మానవ జీవితంలో ఆహారం అతిముఖ్యమైంది. అదిలేందే మనకు జీవం లేదు.ఈ సత్యాన్ని మనసులో పెట్టుకొని క్రీస్తు కడపటి విందులో తన శరీరాన్నే మనకు ఆహారంగా దయచేసాడు. దివ్య సత్ర్పసాదం మనకు ఆ ప్రభువు జీవాన్ని ప్రసాదిస్తుంది. కాని మనం ఈ దివ్యసత్ర్పసాదంతోపాటు దైవవాక్యాన్ని గూడ భోజనంగా స్వీకరించాలి. ఈ యంశాలన్నిటినీ విపులంగా పరిశీలిద్దాం.
1. అనుదిన జీవితంలో ఆహారం
అనుదిన జీవితంలో ఆహారం అతి ప్రధానమైంది. బైబులు చాల తావుల్లో ఈ యంశాన్ని ప్రస్తావిస్తుంది.
1. ఆహారం మనలను పోషిస్తుంది
మనం ఆహారం తిని బ్రతుకుతాం. మన ప్రాణాన్ని నిలబెట్టేది అదే సీరా గ్రంథం
"కూడు గుడ్డ నీళ్ళు నరునికి ప్రాథమికావసరాలు
గుట్టగా మనుటకు కొంపగూడ అవసరం"
