ప్రభువే అతనికి దేవుడు. అతడు నరులనుగాక దేవుణ్ణి నమ్మకొని బ్రతికేవాడు. అంచేత పాలుత్రాగి తల్లి రొమ్ముమీద పండుకొన్న పసిబిడ్డలాగ అతని హృదయం నిమ్మళంగా వుండిపోతుంది. అతడు తన ఆత్మను ప్రభువు చేతుల్లో పెట్టి ప్రశాంతంగా ఉండిపోతాడు.
- 1.నేను పండుకొని నిద్రపోయాను
మళ్ళా సురక్షితంగా లేచాను
ప్రభువే నన్ను కాపాడాడు - కీర్త 3,5
- 2.నాకు పండుకోగానే హాయిగా నిద్రపడుతుంది
ప్రభూ! నా రక్షణభారం వహించేవాడివి నీవే - 48
- 3. ప్రభువు నాకు శైలము, కోట, రక్షణము
ప్రభువు నేను తలదాచుకునే దుర్గము
ప్రభువు నాకు డాలు, మహాశ్రయం - 18,2
- 4.సైన్యాలు నామీదికి దండెత్తివచ్చినా
నా హృదయం భయపడదు - 27,3
- 5.రాజునకు మహాసైన్యం వలననే విజయం కలగదు
సైనికునికి మహాబలం వలననే రక్షణం కలగదు - 33,16
- 6.కొందరు రథాలనూ గుర్రాలనూ నమ్మకొంటారు
మేమైతే ప్రభుని నమ్మకొంటాం – 20,7
- 7.ప్రభువు నాకు దీపం వెలిగిస్తాడు
నా త్రోవలోని చీకటిని తొలగిస్తాడు - 18,28
- 8.ప్రభువు నాకు దీపమూ, రక్షణమూ
ఇక నేనెవరికి భయపడాలి? - 27.1
- 9.ప్రభువే నాకు కాపరి, యిక యే కొదవా లేదు – 23, 1
- 10.నేను చీకటి లోయగుండా పయనించినా ఏ యపాయానికీ జంకను
నీవు నాకు తోడైయుంటావు
నీచేతి కోలా, నీ బడితా నన్ను కాపాడుతూంటాయి - 23, 4
- 11.పుట్టినప్పటి నుండి నన్ను నీ రక్షణంలోనే వుంచారు
మా తల్లికి జన్మించినప్పటినుండి నీవే నాకు దేవుడవు - 22,10
- 12.నేను ప్రభు మందిరం దగ్గర పెరిగే ఓలివ చెట్టులా పున్నాను
ఆ ప్రభువు ఆదరాన్ని నమ్మకొని బ్రతుకుతున్నాను - 52.8