పుట:Bhoojaraajiiyamu.pdf/96

వికీసోర్స్ నుండి
ఈ పుట అచ్చుదిద్దబడ్డది

భోజచరిత్ర

35


బరువడి నొప్పు నప్పురము భద్రగజంబులపెల్లు, నుల్లస
తురగచయంబుపెంపు, నవిదూషితగోనికరంబు పేర్మియున్.

43


క.

మొగి నాఱును దొమ్మిదియును
నగురసములఁ గలుగుబహుపదార్థంబుల బ్రా
తిగఁ జవి గొననినరుం డా
నగరంబున మందు కడిగినం జొప్పడునే.

44


ఉ.

కైపద మిచ్చువారలును, గ్రక్కునఁ బద్యము చెప్పువారలున్
రూపితసంస్కృతాదిపదరూఢి యెలర్ప మహాప్రబంధముల్
వే పొసఁగంగఁ బల్కి పృథివిం బ్రథితంబుగఁ జేయువారు ధా
రాపురమందె కాక కలరా మఱి తక్కినపట్టణంబులన్!

45


వ.

ఇ ట్లొప్పు నప్పురంబున కధీశ్వరుండు.

46


క.

భోజుఁడు ప్రసన్నవదనాం
భోజుఁడు నిఖిలార్థికల్పభూజుఁడు విలస
త్తేజుఁడు సంభృతసుకవిస
మాజుఁడు రూపాదిజితరమాజుఁడు జగతిన్.

47


సీ.

అమరమహీజంబు లైదును నైదుభూ
       తములుగాఁ గూర్చి దేహము సృజించి
యతనుఁడై చరియించు నంగజుప్రాణంబు
       నెమ్మిఁ బ్రాణంబుగా నిర్వహించి
యదితికి దేవేంద్రుఁ డావిర్భవించిన
       పుణ్యంపుఁబ్రొద్దునఁ బుట్టు వొసఁగి
భారతి దాదియై గారవం బారఁ టో
       షించునట్లుగ నియమించెఁ గాక


ఆ.

నలినభవుఁడు కానినాఁ డిట్టివితరణం,
బిట్టిరూపమహిమ, మిట్టివిభవ,
మిట్టివిద్య యితని కెట్లు గల్గె ననంగ
భూమిఁ బ్రణుతి కెక్కె భోజరాజు.

48