పుట:Bhoojaraajiiyamu.pdf/94

భోజచరిత్ర

33

ఉ.⁠

అంతఁ బ్రయాగమాధవుఁ డనంతదయానిధి పద్మవాసినీ కాంతుఁడు వారికోర్కి యొసఁగంగఁ దదీయవరోపలబ్ధి య త్యంతనిరూఢమై నెగడునట్లుగ విప్రుఁడు సూర్యకాంతభూ కాంతునియందుఁ బద్మవతి గాదిలితల్లిగఁ బుట్టె మేదినిన్.

⁠ 32

క.⁠

ఆవనితలు నొక్కొక వసు ధావల్లభునందు సముచితంబగు ప్రాదు ర్భావము నొందిరి భాగ్య శ్రీవిలసితరూపములు ప్రసిద్ధికి నెక్కన్.

⁠ 33

వ.⁠

ఇట్లు పుట్టి యాద్విజుండు భోజుం డనుపేరఁ బ్రసిద్ధుం డయ్యే, [1]నయ్యంగనా రత్నంబులు నలువురును సుగంధి పద్మగంధి కనకవతి చంద్రప్రభ లను నన్వర్ధనామంబులతో నతనికి భార్య లైరి; యివ్విధంబున నతండు వివిధవిభవ విలసితుండును, నత్యంతరూపసంపన్నుండును. సకలకళాప్రవీణుండును, లాటదేశంబునందు ధారానగరంబున కధీశ్వరుండై యనేకవర్షంబులు రాజ్యంబు చేసె నట్లు గావునఁ బ్రయాగతీర్థం బిష్టకామ్యసిద్ధి ప్రదం బని పలికితి' నని చెప్పిన.

⁠ 34

చ.⁠

'విమలవిచార! నీవలన వింటిఁ బ్రయాగమహత్త్వమెల్లఁ ద త్సముదిత[2]పూర్వపుణ్యఫలజన్ముఁడు భోజవిభుండు భూమి యే క్రమమున నేలె? వాఁ డటులు రాజ్యము సేయుదినంబులన్ విశే ష మొకటి యెద్ది యేనియును సన్మునినాయక రూఢి కెక్కెనే?'

⁠ 35

చ.⁠

అనవుడు నానృపాలునకు నామహనీయవివేకశీలుఁ డి ట్లను; 'మును భోజుఁ డాదిసృపులట్టుల రాజ్యము చేసె, వావి వ ర్తనము నుతింప నల్పుల తరంబె? మహిం జతురుత్తరంబుగాఁ దనరిన షష్టివిద్యలు నతం డెఱిఁగింపక కల్గ వేరికిన్.

⁠ 36

చ.⁠

తనుఁ గనుఁగొన్నవారు కవితాఘను లౌదురు; తద్విశేష మెం తని గుఱి పెట్టవచ్చు మనుజాధిప! యిన్నిటికంటె నెక్కు డిం క నొకటి చెప్పెద న్విను మఖండితయై యొకవిద్య చేరె నా తనికి సమస్తభూజనకదంబము ప్రస్తుతి చేయునట్లుగన్.

⁠ 37

1. నంగనారత్నంబులు
2. పూర్ణ