పుట:Bhoojaraajiiyamu.pdf/87

26

భోజరాజీయము ఆశ్వా. 1

క.⁠

తక్కటి నెలవులకంటెను నొక్కటి లక్షయును గోటియును గుణితములై యెక్కుడు ఫల మొసఁగుట నీ చక్కటి కెచ్చోటివారుఁ జనుదెంతు రొగిన్.

⁠ 133

క.⁠

హరిహర విరించు లేకో దరులయి పుట్టుటకుఁ దాన తానక మగుని ర్భరవైచిత్రి కలదె పెఱ గిరులకు నీ హేమకూటగిరికిం దక్కన్.

⁠ 134

క.⁠

కావున నీ పర్వతము ప్ర భావము వర్ణింప వశమె బ్రహ్మాదులకున్ నీ వింక వినుము చెప్పెద భూవల్లభ! యీ ప్రయాగభూరిగుణంబుల్.

⁠ 135

చ.⁠

అతులితభక్తి యొప్పఁగఁ బ్రయాగజలంబులఁ గ్రుంకునట్టిసు వ్రతుఁడు పురాకృతాఘనికరంబులు సర్వముఁ బాఱఁద్రోలు ట ద్భుతమె ప్రయాగ యంచుఁ బెఱతోయములందు మునింగె నేనియున్ క్షితి నతినిర్మలుం డగుట సిద్ధ మతండు ధరాతలేశ్వరా!

⁠ 136

చ.⁠

వెలయఁ బ్రయాగమందు నొక విప్రున కన్నములఁ బెట్టిరేని న య్యలఘుఫలంబు కోటిగుణ మై యొదవుం; గ్రతు వాచరించినన్ దలకొని యాగభాగములు తార భుజించు కుతూహలంబునం దొలఁగక దివ్యతేజములతోఁ జనుదెంతురు వేల్పు లందఱున్.

⁠ 137

చ.⁠

పరగఁ బ్రయాగ మాఘము ద్విపక్షములందుఁ బ్రహృష్టచిత్తుఁడై పరువడిఁ దీర్ధమాడుఘనపావనమూర్తి పునర్భవంబులం బొరయఁడు, వాని వంశమునఁ బూర్వుల కెల్లను సంభవించు న చ్చెరువుగ నాకలోకసుఖసిద్ధి యనేక సహస్రవర్షముల్.

⁠ 138

క.⁠

అచ్చుగఁ బ్రయాగలోపల విచ్చలవిడిఁ దనదు మేను విడిచినమనుజుం డొచ్చెల్ల! యేమి చెప్పుదు జెచ్చెరఁ గను నిష్టకామ్యసిద్ధి ధరిత్రిన్.'

⁠ 139