పుట:Bhoojaraajiiyamu.pdf/84

వికీసోర్స్ నుండి
ఈ పుట అచ్చుదిద్దబడ్డది

దత్తాత్రేయదర్శనము

23


క.

"రోగమున కోడి ప్రాణ
త్యాగము సేయుటకుఁ దెంపు దలకొనుమదితో
నాగౌతమి కరుగుచు నెల
నాగను బొడగంటి నొకవనస్పతి పొంతన్.

110


క.

కని ప్రణమిల్లిన నయ్యం
గన నావృత్తాంత మడగి కడు వగచి తపో
ధనవంద్యు నిన్నుఁ జెప్పిన
బనివిని నీకృపకు నేఁడు పాత్రుఁడ నైతిన్.

111


వ.

ఆయవ్వ యెవ్వ రగుటయు నెఱుంగ" ననవుడు దత్తాత్రేయుఁడు తన యోగ
దృష్టివలన నది గౌతమి యగుటయు నితనిపాపంబులు భరియింప నోపక
యిట్లు చేసె ననియు నెఱింగి యాతని నూఱడించి “యేను బ్రతిదివసంబును
బ్రాతరుచితకృత్యంబులు ప్రయాగయందుఁ జేయుదు, మాధ్యాహ్నికానుష్ఠానం
బులు హేమకూటపర్వతంబున ననుష్ఠింతు, నిశాసమయకృత్యంబులు శ్రీరంగ
ధామంబున నొనరింతు, నిది నాకు నియమం బై చెల్లు, నీత్రస్థానంబులు నాకు
నతిప్రీతికరంబు లయి యుండు, నట్లు గావున నింత ప్రొద్దు శ్రీరంగంబునకుం
జని రేపకడ వచ్చి నిన్ను రోగవిముక్తుం జేయుదు. నావచ్చునంతకు నిచ్చోటన
యుండు” మని విజయం చేసిన.

112


క.

ఆరాత్రి మహుఁడు తన దు
ర్వారదురితలతలు ఱే పవశ్యము దెగునం
చారూఢిం గౌతుకము మదిఁ
గూరఁగ నిద్రించె నచటఁ గుశలత్వమునన్.

113


వ.

మఱియుఁ బ్రభాతసమయం బగుటయు నమ్మహీపతికి నద్దివసంబున సంభవించు
శరీరనైర్మల్యంబు సూచించుచందంబున నంధకారంబు విరిసె, నతని
యంతర్గతానురాగంబు దీపించురూపం బెఱింగించు తెఱంగున బ్రాగ్దిశాభాగం
బునఁ గెంజాయ పొడమెఁ దదనంతరంబ.

114


క.

జక్కవ లలరఁ, జకోరము
లుక్కడఁ గమలములు విరియ, నొగిఁ గైరవముల్