పుట:Bhoojaraajiiyamu.pdf/72

కవివంశాభివర్ణనము

11

సీ⁠

ఈగృహస్థుని కిట్టి యిల్లాలు గలుగుట        ప్రాగ్భవార్జితపుణ్యఫలము గాదె యోపతివ్రత కిట్టి హృదయేశుఁ డబ్బుట        పరికింప ఘనతపఃఫలము గాదె యీమహాప్రభువున కిట్టి సజ్జనురాలు        గలుగుట సంసారఫలము గాదె యీపుణ్యకాంతకు నిట్టి ధర్మక్రియా        పరుఁడు గల్గుట దానఫలము గాదె

⁠

ఆ.⁠

యనఁగ మహిఁ బరస్పరానుకూలత్వంబు మిక్కుటముగ మంత్రితిక్కవిభుఁడు మల్లమాంబికయును మహనీయజీవన సౌఖ్యవార్ధిఁ గేళి సలుపుచుండ.

⁠ 44

మ.⁠

అరిషడ్వర్గముఁ దూలఁ దోలి ధరలో నైశ్వర్యషడ్వర్గ మీ వరుసన్ భ్రాగ్భవ మొందె నాఁగ సుతషడ్వర్గంబు జన్మించెఁ ద త్పురుషస్త్రీతిలకంబులందు ఘనసంతోషంబు తద్బాంధవో త్కరముల్ పొంద సమగ్రసంపద నిజాగారంబునం జెందఁగన్.

⁠ 45

వ.⁠

వా రెవ్వ రంటేని.

⁠ 46

ఉ.⁠

భూసుతకీర్తి ముమ్మడివిభుండు మదగ్రజుఁ, డేను వైష్ణవ ధ్యానసమాహితాత్ముఁడ ననంతసమాఖ్యుఁడ, నాదు తమ్ము ల జ్ఞానవిదూరు లక్కనయు, సత్కవి చిట్టనయున్, వివేకవి ద్యానిధి రామచంద్రుఁడు, నుదారుఁడు లక్ష్మణనామధేయుఁడున్.

⁠ 47

క.⁠

ఈయార్వురు నొక్కొక్కఁడు వేయిండ్లకు మొదలుగాఁగ వెలయుదు రని కా దే యాఱువేల పే రిడి రీయన్వయమునకు నేష్య మెఱిఁగిన పెద్దల్.

⁠ 48

వ.⁠

ఇట్టి సంతానలతావితానంబునకు మూలకందం బనందగు తిక్కనామాత్యు ననుసంభవుండు.

⁠ 49