పుట:Bhoojaraajiiyamu.pdf/70

కవివంశాభివర్ణనము

9

⁠

స్ఫారుఁడు సింగనయును నను వారలు పుట్టి రిలఁ బుష్పవంతుల మాడ్కిన్.

⁠ 37

వ.⁠

అయ్యిరువురయందు నగ్రసంభవుండు.

⁠ 38

సీ.⁠

సత్యభాషణమును సాధుపోషణమును        సహజభూషణముగా జరగువాఁడు ఆర్తరక్షణము దయార్ద్రశిక్షణము ను        దాత్తలక్షణముగాఁ దనరువాఁడు సుకృతభావనమును సుకవిసేవనమును        నిత్యజీవనముగా నెగడువాఁడు విష్ణుకీర్తనమును విమలవర్తనమును        విహితవర్తనముగా వెలయువాఁడు

⁠

ఆ.⁠

వాఁడె చూడుఁ డనుచు వసుధాజనంబులు ప్రస్తుతింప నొప్పు భవ్యచరితుఁ డుభయకులపవిత్రుఁ డురుకీర్తిధవళిత దిక్కుఁ డెఱ్ఱమాంబ తిక్కవిభుఁడు.

⁠ 39

సీ.⁠

విలసితంబగు కృష్ణవేణి మలాపహా రిణి భీమరథినా ధరిత్రియందుఁ        దనరునదీత్రయాంతర్వేది యగు పావ        నక్షేత్రమున శోభనమున కెల్ల ధర నివాసంబగు పెరుమగూరుపురంబు        నందు విద్వజ్జనానంద మైన జీవనస్థితిచేతఁ జెన్నొంది వంశక        ర్తృత్వసంపత్తిఁ బ్రభుత్వ మొంది

⁠

తే.⁠

నెమ్మి ప్రత్యక్షపరమపద మ్మనంగ నొప్పు శ్రీకాకుళంబున కొడయఁ డైన యంధ్రవల్లభహరిసేవ నలరుచుండుఁ బెక్కుభంగుల ముమ్మడితిక్కవిభుఁడు.

⁠ 40