పుట:Bhoojaraajiiyamu.pdf/68

వికీసోర్స్ నుండి
ఈ పుట ఆమోదించబడ్డది

కవివంశాభివర్ణనము

7


సీ.

దుగ్ధాబ్ధిలోపలి తోయజాక్షుల మేలు
       కనిపి తీరంబున నునుపకున్న
హరుకంఠమున నున్న గరళానలము కప్పు
       విరియ నౌషధము ద్రావింపకున్న
నిందుబింబములోని యిఱ్ఱికి దీమంబు
       చూపి వెల్వఱిచి పోఁ జోఁపకున్న
సీరపాణికి నీలిచీరమీఁది ప్రియంబు
       మాన్పి వెల్లలు గట్ట మరపకున్న


తే.

నితనికీర్తికి సరి చెప్ప నెట్లు వచ్చు
ననఁగ బొగడొందు బయ్యదండాధినాథు
కూర్మపుత్రుండు కౌండిన్యకులపవిత్రుఁ
డంగసంభవనిభుఁడైన గంగవిభుఁడు.

29


క.

సోముఁడు రోహిణి నధిక
ప్రేమమున వరించుక్రియ గభీరాదిగుణ
శ్రీమహిమకీర్తి శోభిలి
కామాంబ వరించె మంత్రిగంగన ప్రీతిన్.

30


క.

ఆదంపతులకు హృదయా
హ్లాదకరులు సుతులు పెద్దనార్యుఁడు సుగుణ
మోదిఘనుఁ డప్పలన్నయుఁ
బ్రాదుర్భావంబు నొంది పరఁగిరి పేర్మిన్.

31


వ.

ఇట్టి సంతానంబువలన వెలయు గంగనామాత్యు ననుసంభవుండు.

32


చ.

కడిమిఁ గిరీటి, దానమునఁ గర్ణుఁడు, భోగమున న్సురేంద్రుఁ, డె
క్కుడువిభవంబునన్ హరి, యకుంఠితబుద్ధిఁ బురందరేభ్యుఁ, డు
గ్గడువగుధీరతన్ సురనగప్రవరుం డనఁ బ్రోలమాంబము
మ్మడి బెడఁగొందె రూపమహిమ న్మరుముమ్మడియై జగంబునన్.

33


సీ.

పితృబుద్ధి వదలక పేర్చి యచ్యుతుసేవ
       యనిశంబు చేయు ప్రహ్లాదుఁడనఁగ