పుట:Bhoojaraajiiyamu.pdf/65

4

భోజరాజీయము ఆశ్వా 1

కవివంశాభివర్ణనము

సీ.⁠

శ్రీరమ్యుఁడగు నాదినారాయణునినాభిఁ        బొలుపార విరిదమ్మిపువ్వు పొడమె నాపువ్వులోఁ బుట్టె నఖిలలోకంబులు        పుట్టింపఁ జాలెడు ప్రోడపట్టి యాపట్టిమోముల నామ్నాయవితతితో        నావిర్భవించె విప్రాన్వయంబు నాయన్వయంబున నతిదృఢాచారస        మృద్ధులు పెక్కండ్రు ఋషులు పుట్టి

⁠

ఆ.⁠

రట్టిఋషులలోన నధికతపోవిశే షుండు వేదశాస్త్రశోభితుండు ఘనుఁడు సూనృతైకధనుఁడు కౌండిన్యము నీశ్వరుండు మెఱసె విశ్వనుతుఁడు.

⁠ 13

శా.⁠

ఆకౌండిన్యమునీంద్రవంశమున దుగ్ధాంబోధిసంజాతుఁడై రాకాచంద్రుఁ డెలర్చుమాడ్కి నుపధారంబైకసంరంభుఁ డ స్తోకానందుఁడు నందనార్యుఁడు ప్రసిద్ధుం డయ్యె నార్యప్రియుం డాకారస్మరుఁ డచ్యుతాంఘ్రికమలధ్యానానురక్తుం డిలన్.

⁠ 14

ఉ.⁠

నందితశిష్టలోకుఁడగు నందనమంత్రికి లక్కమాంబకున్ నందను లుద్భవించిరి జనార్దనశంకరనిర్విభేదు లా నందమయాత్ములాదిమునినాయకసత్యుఁడు సత్యమంత్రియున్ మందరశైలధీరుఁ డసమానుఁడు మాత్రిపురాంతకార్యుఁడున్.

⁠ 15

వ.⁠

అం దగ్రసంభవుండు.

⁠ 16

ఉ.⁠

సత్యవచోవిలాసుఁడు ప్రశస్తయశోవిభవాభిరాముఁ డా దిత్యసమప్రకాశుఁడు సుధీజనచిత్తసరోజమిత్త్రుఁ డౌ చిత్యపరుండు సర్వజనచిత్తవిదుం డన మంత్రికోటిలో సత్యనమంత్రి యొప్పె నుడుసంఘములోపలఁ జంద్రుకైవడిన్.

⁠ 17

ఉ.⁠

సత్యముతో నహింస విలసద్గతిఁ గూడి చరించుచాడ్పునన్ సత్యనమంత్రిఁ గూడి గుణశాలిని తాతమ నిత్యనిర్మలా

⁠