పుట:Bhoojaraajiiyamu.pdf/262

వికీసోర్స్ నుండి
ఈ పుట అచ్చుదిద్దబడ్డది

వంజరుని కథ

201


ద్రా! జగతి నన్నదాన
భ్రాజిష్ణుం డయ్యే నానృపాలవరుండుఁ.

163


చ.

వినుము నరేంద్ర! భోజపృథివీతలనాథుని రాజ్యలీలయుం
బొనరఁ దదీయకాలమునఁ బుట్టినయట్టివిశేషరీతులుం
గొనకొని నీదు కర్ణములకు న్విశదంబుగ విస్తరించితిన్;
మనువిధుఁ డవ్విభుం డతనిమార్గము తక్కినవారి కబ్బునే.

164


సీ.

మొదలు సామోపాయమున సర్వభూప్రజా
       పరిపాలనము సేయుఁ బాడితోడ
నడరి రెండవయుపాయం బైన భేదముఁ
       బచరించుచుఁ బుణ్యపాపములయందు
మొగిఁ దృతీయోపాయ మగు దానవిభవంబు
       నెఱపు నశేషార్థినికరమందు
నటఁ జతుర్థోపాయ మైన దండక్రియ
       యడరించు మృగయావిహారమందుఁ


తే.

దనకు నెందును నెదురు లే కునికిఁజేసి
చతురుపాయములకు నిట్లు గతి యొనర్చె
నౌర యితఁ డంచు నీతిజ్ఞు లాదరింప
బుధపయోధిసుధాంశుండు భోజవిభుఁడు.

165


సీ.

చర్చింప రెండవ చంద్రుఁడు, మూఁడవ
       యశ్విని, నాలవ యగ్నిదేవుఁ,
డైదవ లోకపాలాఖ్యుఁ, డాఱవ పాండు
       సంతాన, మేడవ చక్రవర్తి,
యెనిమిదయగు సన్మునీశుఁడ, తొమ్మిద
       యగు భోగిపతి, పదియవ విరించి,
పదునొకొండవ చక్రపాణి, పండ్రెండవ
       శూలి, పద్మూఁడవ సూర్యుఁ డనఁగఁ,


ఆ.

దనరుఁ గాంతి, రూపమునఁ, బ్రతాపమున, స
త్యమున, ధర్మచరిత, నాజ్ఞ, శుచిని,