పుట:Bhoojaraajiiyamu.pdf/260

వంజరుని కథ

199

⁠

గ్రమ్మఱి వచ్చునప్పుడును గన్నవిశేషము లింతితోడ మో దమ్మున్న చెప్పి విప్రుఁ, డది దానును జెప్పె నిహప్రసంగముల్.

⁠ 153

వ.⁠

ఇ ట్లన్యోన్యవిశేషభాషణంబులం గొండొకసేపు వినోదించి, యెల్ల దానంబుల యందును నన్నదానం బసమానం బనియును, నందు సిద్ధించుపుణ్యం బగణ్యం బనియును నెఱింగినవారై యాదంపతులు తదీయాచరణంబులు తమకు శరణం బులుగాఁ బ్రవర్తించుచు ధనధాన్యసమృద్ధియుఁ బుత్రపౌత్రాభివృద్ధియుం గలిగి బ్రతుకుచుండి రని చెప్పి సర్పటిసిద్ధుండు.

⁠ 154

సీ.⁠

'అన్నంబు బలకరం బన్న మాయుర్వృద్ధి        కర మన్న మత్యంతకాంతికరము తనుఁ జంప వచ్చిన ఘనశత్రునకు నైన        నన్నంబు బంధుత్వ మావహించు నన్నంబువలనన యమరులు ప్రీతులై        పరులకుఁ గోరినవరము లిత్తు రన్నదానముఁ బోల వన్యదానంబులు;        ధరణిలోపల నన్నిదానములకు

⁠

ఆ.⁠

ఫలము సరిగఁ జెప్పఁబడుఁ గాని యన్నదా నంబుసేఁత కీ ఫలం బనంగ నబ్జభవుఁడు నోపఁ డటు గాన వీవును నన్నదానపరుఁడ వగుము భూప!

⁠ 155

క.⁠

ఇది నీ యడిగిన ప్రశ్నకు సదమలమగు నుత్తరంబు జనవర! యేఁ బో యెద' ననిన నాతఁ డి ట్లను 'నిది తగవా, మిము భజించు టిట్లనుటకునే!

⁠ 156

సీ.⁠

అఖిలదానములందు నన్నదానంబు వి        శేషంబుగా మీరు చెప్పుచున్న వారు తత్ఫలములవలనను జేరెడు        ననువు పేయను మీరె యగుటఁజేసి

⁠