పుట:Bhoojaraajiiyamu.pdf/256

వంజరుని కథ

195

⁠

డనితరసదృశుఁడు సుమ్మీ యని ప్రస్తుతిఁ జేసే నమ్మహానది నిన్నున్.

⁠ 128

ఆ.⁠

అట్లు ప్రస్తుతించి యతఁడు సేమంబున నున్నవాఁడె? నా [1]మహోన్నతియును జెప్పు మతని కనియె నప్పు డే ని ట్లంటి గంగతోడఁ గరయుగంబు మొగిచి.

⁠ 129

ఉ.⁠

నీకరుణారసంబునకు నిక్కముగా నిటు ప్రాప్తుఁ డైన సు శ్లోకుఁడు హీనజాతుఁ డని చూడఁగరా దతఁ డెట్టిపుణ్యుఁడో నా కెరిఁగింపవే, యనిన నాకమహానది నీ ప్రభావముల్ కై కొని చెప్పి వీడ్కొలిపెఁ, గంటిమి నీవగునద్భుతక్రియల్.

⁠ 130

సీ.⁠

గాఢనీహారంబు గప్పినఁ దప్పునే        మార్తాండబింబ విస్ఫూర్తి పెంపు? నీఱు పైఁ గవిసిన నాఱంగ నేర్చునే        ప్రకటితదావపావకుని వేఁడి? మసికోక ముడిచినఁ బస చెడిపోవునే        తనరు ననర్ఘ్యరత్నంబు కాంతి? భూరిశైవాలంబు పొదివినఁ బొలియునే        విలసదంభోరుహవిభ్రమంబు?

⁠

తే.⁠

దైవవశమున నీకుఁ బ్రాప్తవ్య మైన ఘోరదురితంబు వీగెడుకొఱకు నిచట నంత్యజాకృతి నొందినయంతలోన వర్ణ్యమగు నీ తపోమహత్త్వంబు చెడునె?

⁠ 131

క.⁠

కంకుఁ డయి ధర్మజుఁడు, వల లాంకుండై వాయుజుఁడు, బృహన్నలయై ని శ్శంకుఁడు పార్థుఁడు, హయ గో కింకరులై కవలుఁ దొల్లి గెలువరె దినముల్.

⁠ 132

1. మనోన్నతియును