పుట:Bhoojaraajiiyamu.pdf/246

వికీసోర్స్ నుండి
ఈ పుట అచ్చుదిద్దబడ్డది

వంజరుని కథ

185


ఉ.

ఓటమి మీఁద వైచుకొని యూరక పోవుట యెత్తు సాల ది
య్యాట యవశ్యముం గెలుతు నంచుఁ జలంబున నాడు, నాడి యా
యాటయు నోడు, నోడి యురియాడు నిదొంగన యున్నయున్కికిం
బాటలగంధితో గెలుపఁ బాటయి యుండమికిన్ విభుం డెదన్.

63


వ.

ఇవ్విధంబున నమ్మహీపాలునకుఁ గాలవిడంబంబు సిద్ధించె, నంతఁ బౌరకాంత
యొక ర్తె యొక్కపనివెంట నారాజపుత్రి యున్న దేవాగారంబునకుం బోయి.

64


క.

పూచినతంగెడు వోలె మ
రీచి నిబిడమణిగణస్ఫురితభూషణలీ
లాచాతురిఁ జెలు వొందెడు
నాచపలాక్షిఁ గని యద్భుతాత్మిక యగుచున్.

65


ఉ.

ఎక్కడనుండి వచ్చె నొకొ యీనవనీరజకోమలాంగి తా
నిక్కడ నొంటి నుండఁ గత మెయ్యదియో శశిమౌళి మాళిపై
నెక్కినయేటితోడఁ గలహించి హిమాద్రిజ యల్గి వచ్చి యీ
చక్కటి నిచ్చెనో, యనుచుఁ జప్పుడు సేయక డాయఁ బోయినన్.

66


ఆ.

బెదరి చూచు లేఁడికొదమచూపులఁ గీడు
పఱచునట్టి తనదు మెఱుఁగుఁజూపు
లడర నెదురు వచ్చి యప్పౌరికామిని
తోడ నిట్టు లనియుఁ దోయజాక్షి.

67


క.

ఎందుల దానవు? వెలఁది! న
నుం దా నిట చించి మన్మనోనాయకుఁ డే
గె, దడవు గలదు, రాఁడే
చందమొ కాపున గదా యిచట నెచ్చోటన్.

68


మ.

 హరవిద్వేషము దక్కి మన్మథుఁడు రుద్రాక్షంబులున్ భూతియుం
బరగం దాల్చి తదీయసత్కృపకుఁ దాఁ బాత్రుండు కాఁ బూని సు
స్థిరభక్తిం జరియింపఁ జొచ్చెనన నక్షీణద్యుతిం బొల్చు సుం
దరదేహం డతఁ డేమి యయ్యెనొ కదా! తల్లీ! తలం కయ్యెడున్.

69


చ.

అనుచు వివర్ణపక్త్ర యగు నానృపపుత్రిక నూరడించి 'కా
మిని! యొకదిక్కు చన్నతుది మిన్నక క్రమ్మఱ వత్తు రమ్మ! పో