పుట:Bhoojaraajiiyamu.pdf/208

రత్నమండనబ్రహ్మరాక్షసులు

147

చ.⁠

'కలువలఁ దమ్ములన్ సమవికాసము నొందఁగఁ జేయుక్రాలుగ న్నులు గలనీకుఁ బాన్పును మనోజ్ఞరథంబును [1]నాగ తద్విరో ధులయిననీకు నారయఁ జతుర్భుజ! చేయఁగరాదె గోవునుం బులియును శత్రుభావములఁ బోనిడి మైత్రి యొనర్చునట్లుగన్.

⁠ 70

క.⁠

దైవం బాదిగఁ దిర్య గ్జీవులు తుదిగాఁగఁ గలయశేషము నీ యా జ్ఞావిలసితవర్తనములు గావే నీమహిమఁ దెలియఁ గలరే యితరుల్.'

⁠ 71

వ.⁠

అని కొనియాడుచుండి రంత నయ్యనంతుండుఁ దద్గోవ్యాఘ్రంబులఁ గారుణ్య దృష్టి వీక్షించి 'మీ సచ్చరిత్రంబులకు మెచ్చితిం జెఱొక్క వరం బిచ్చెద వేఁడుం ' డనిన నవి 'దేవా! భవద్దివ్యలోకంబు మాకుం బ్రసాదింప వలె' నని ప్రార్ధించిన.

⁠ 72

క.⁠

ఇచ్చితి ననుచుం జనియె వి యచ్చరతతి పొగడ విష్ణుఁ, డవియును జనియెన్ జెచ్చెరఁ దమ తమ నెలవుల కచ్చుగఁ దుది నొదవెఁ గోర్కు లయ్యిరువురకున్.

⁠ 73

వ.⁠

ఈ గోవ్యాఘ్రసంవాదంబు విన్న నరులు మృగపన్నగాది బాధలం బొరయరు, వెన్నుండు వారికిఁ బ్రసన్నుం డగు' నని చెప్పి మఱియును.

⁠ 74

క.⁠

పసరం బండ్రు, వివేకము పస చాలనినీచు నట్టిపసరమ కాదే! వసుధపయి సత్యవాక్యం బసదృశముగ నిర్వహించె' నని కడుఁ బ్రీతిన్.

⁠ 75

ఉ.⁠

మానుగ రత్నమండనకుమారుఁడు పల్కుడు బ్రహ్మరాక్షసుం డానరనాథపుత్రు వదనాబ్జము చూచి 'య దేనిఁ బొమ్ము, ము న్నీనిజ మే నెఱుంగ, నిట నిక్కము రా నొకమాట పల్కు, మి చ్చో నుదరాగ్ని నేను గడు శోషిలకుండఁగ రమ్ము క్రమ్మఱన్.'

⁠ 76

1. నాగ= శేషసర్పము. తద్విరోధి= దానికి విరోధియగు గరుడుఁడు.