పుట:Bhoojaraajiiyamu.pdf/202

గోవ్యాఘ్రసంవాదము

141

క.⁠

ఆడకు మసత్యభాషలు కూడకు గొఱగానివాని గొంకక యొరు లె గ్గాడిన నెదు రుత్తరమీఁ జూడకు విని విననివాని చొప్పునఁ జనుమీ.

⁠ 29

క.⁠

ఒంటి చరింపకు పొలమున, నింటికిఁ గడుప్రొద్దు గలుగ నేతెంచుచురా, వెంటఁ బడి పొడుచుగోవుల జంటఁ జనకు, క్రయ్యఁబడక సందడి యగుచోన్.

⁠ 30

క.⁠

అంగజకేళికి దివిరెడు పుంగవులను మసరు కలిసి పోరాడకు, వీఁ కం గొలు ద్రవ్వు వృషభము లం గదియకు తెవులుగొంటులం గూడకుమీ.

⁠ 31

క.⁠

తొడుకు దినఁబోవు పసరము బడిఁ బోకుము, తురగగార్దభద్విరదాదుల్ నడచుపథంబున కడ్డము సుడియకు, దుర్జనులు మెలఁగుచో నిలువకుమీ.

⁠ 32

క.⁠

నూతుల దరులను లోఁతగు పాతటికసవులను నెట్టిపచ్చిక యున్నన్ బ్రాతిపడి మేయఁ బోకుము మూతి నిడకు ముగ్రసత్వములు గలనీటన్.

⁠ 33

క.⁠

ఏనుఁ గలిగియుండఁగ నె వ్వానికి నిను ముద్దు సేయ వాలాయ మగున్ గాని, యిటమీఁద నెవ్వఁడు గానికిఁ గైకొనక చుల్కగాఁ జూచుఁ జుమీ.

⁠ 34

క.⁠

చులకన జలరుహతంతువు, చులుకన తృణకణము, దూది చుల్కనసుమ్మీ, యిల నెగయుధూళి చుల్కన, చులుకన మఱి తల్లి లేని సుతుఁడు కుమారా!

⁠ 35