పుట:Bhoojaraajiiyamu.pdf/185

వికీసోర్స్ నుండి
ఈ పుట అచ్చుదిద్దబడ్డది

124

భోజరాజీయము ఆ శ్వా. 5


ఉ.

'వాలుమగ ల్మహామకుటవర్ధను లాఢ్యులు శస్త్రహస్తు ల
వ్వేళ నొకండు నాగగనవీథిని బాఱెడు హంసయక్కునన్
వ్రేలెడు రత్నభూషణము వ్రేలను జూపఁగలేక పాసి రీ
లాలితకీర్తి నిత్యశుభలక్షణుఁ డొక్కఁడుదక్క నందఱున్.'

93


వ.

అని.

94


ఉ.

వానికి నవ్వధూమణి వివాహము సేయ నుపక్రమింప, న
మ్మానిని తండ్రిఁ జూచి 'వినుమా! యొక విన్నప మప్పు డెవ్వరుం
బూని యొనర్స లేనిపని బోరనఁ దా నొనరించె మద్వరుం
డైనయతండు వేఱ , యితఁ డాతనిఁ గొల్చినబంటు భూవరా!'

95


క.

అని యప్పావకలోముఁడు
దనుఁ జేపట్టినది మొదలు దా నచటికి వ
చ్చినయది తుదియుంగా దొర
కొని యన్నియుఁ జెప్పెఁ బూస గ్రుచ్చినభంగిన్.

96


ఉ.

చెప్పినఁ గూఁతుమాటలకుఁ జిత్తము ఘూర్ణిలఁ గుంభిదిక్కు దాఁ
దప్పక చూచె భూపతి; యతండు కరంబులు మోడ్చిఁ 'దేవ ! యేఁ
జెప్పెద విన్ము, నీతనయ చెప్పినమాటలజాడ యంతయుం
దప్పదు; నన్నుఁ గాదనుటఁ దా వినఁబోలదుగాని యందులోన్.

97


క.

మొదలం దను నేఁ బడసితిఁ
దుదిఁ దనుఁ గొనిపోయినట్టి దుష్టాసురునిం
గదనమున నేనె గెల్చితి
సుదతి బ్రమసెఁగాని రాక్షసుల మాయలచేన్.

98


చ.

అది మది నమ్మ వే నచటి కల్పులు వోవఁగలేరు, సైన్యసం
పద మెఱయంగ నావెనుకఁ బార్థివశేఖర! నీవ రమ్ము, చూ
పెదఁ గొనిపోయి యానేలవు, భీషణమూర్తులు దైత్యు లాజికిం
గదిసిరయేని నాకుఁ బని గాదు సుమీ! మునుముట్టఁ జెప్పితిన్.


ఆ.

సతులు ముగ్ధ లైన జననాథ! మీరును
ముగ్ధులయ్య! యెట్టి మూఢుఁ డైనఁ