పుట:Bhoojaraajiiyamu.pdf/167

వికీసోర్స్ నుండి
ఈ పుట అచ్చుదిద్దబడ్డది

106

భోజరాజీయము ఆశ్వా. 4


సాత్త్వికగుణంబు ప్రధానం బగుఁ గాని కులంబు ప్రధానంబు గా దిది పరమ
రహస్యం' బని యుపదేశించి, 'నా యొడఁబాటు చెల్లెఁ బొ'మ్మవి మరలించి
యతని వీడ్కొని చూడ్కులు దళుకొత్త నత్తన్వి నిజేశుపాలికిం జనియె;
నయ్యసురయు నది మొదలుగాఁ గ్రూరకర్మంబులు విడిచి హరిచరణస్మరణంబ
శరణంబుగాఁ దపంబు చేపి వైకుంఠప్రాప్తుం డయ్యె, నయ్యంతి యిట్లు సని
తంత్రిభూనాథునకుఁ దన పోయి వచ్చిన వృత్తాంతం బంతయుం జెప్పిన విని
యతండు దన యతివసూనృతోక్తియు బ్రాహ్మణునివిరక్తియు నసురవరుని
భక్తియుం దలపోసి సంతోషించుచుండె; నంత నయ్యిరువుర యంతఃకరణ
శుద్ధికి మెచ్చి శ్రీవిభుండు ప్రత్యక్షమయిన నవ్వధూవరు లిట్లని స్తుతించిరి.

179


క.

నీకంటెఁ బరము లేదు వి
వేకింప ముకుంద! వేదవేద్యులు నీది
వ్యాకృతి ప్రతిదివసము నా
లోకింపుదు రంతరంగలోచనశక్తిన్.

180


క.

నినుఁ దలఁప నెల్లదురితము
లును బొరియు దవానలంబులో వైచినమె
త్తనిదూది వోలె నిన్నుం
గనుఁగొన్నఫలంబు చెప్పఁగా నేల హరీ!

181


క.

కోరికల కెల్ల నెక్కుడు
కోరిక యగుమోక్షలక్ష్మిఁ గోరక యైనం
జేరును భవదీయపదాం
భోరుహములు నమ్మియున్న బుధులకుఁ గృష్ణా.'

182


చ.

అని కొనియాడుదంపతుల కాజగదేకగురుండు ప్రీతి ని
ట్లను 'మహి నేరికిం బడయ నబ్బని సూనృతనిష్ఠ మీమనం
బునఁ జలియింప కున్కిఁ గృప పుట్టి వరం బొక టిత్తు వేఁడుఁ డీ'
రవిన మహాప్రసాద మని యచ్యుతలోకము వేఁడి రిమ్ములన్.

183


ఉ.

వేఁడిన 'నల్ల కాక పృథివిం జిరకాల మభీష్టసౌఖ్యముల్
పోడిఁగ మీరు గాంచి మఱి పొందెద [1]రున్నతి' నంచుఁ జెప్పి యా

  1. రుద్ధతి