పుట:Bhoojaraajiiyamu.pdf/156

వికీసోర్స్ నుండి
ఈ పుట అచ్చుదిద్దబడ్డది

మదనరేఖ కధ

95


భవిచారము పతియెదురన
యవమానపుఁబనిని నాలు కాడునె తడవన్.

107


వ.

ఇట్లు విచారించి యెట్టకేలకుఁ దెంపుచేసి యజ్జనపతికి సాష్టాంగనమస్కారంబు
చేసి ముకుళిత కరాంబుజయై యున్న నాతఁ డత్తెఱవ తెఱం గెఱుంగక
వెఱఁగుపడి తన కెంగేలం బట్టి లేవనెత్తి యాలింగనంబు సేయుచుఁ దల్పంబు
మీఁదికి రాఁ దిగిచి 'మృగాక్షీ! యేను భవదీయలక్షణపరతంత్రుండనకదా
నీ వాంఛితం బెద్దియో వెఱవక యెఱింగింపుమనవుడు నమ్మగువ 'దేవా! యే
నొక్క విన్నపంబు చేసెద నది యుక్తం బైన నయు క్తంబైన నీ కనుగ్రహిం
పక పోరా దవధరింపు' మని యతనిచి త్తంబునకుఁ గినుక వొడమకుండునట్లుగా
నల్లనల్లనం జెవికిఁ జల్ల నగునట్లు మృదుభాషావిశేషంబుల నగ్గురుపుత్రు నభి
లాషయుం, దన వగు పరోష ప్రతిభాషలకు నోడి యతండు వాతాహతభూజంబు
నోజ నేలం గూలుటయు, నక్కారణంబున బ్రహ్మహత్య సిద్ధించె నే నేమి
సేయుదు నని తల్లడించి యతని బోధించుటకై తత్సమయసముచితవచనంబుల
నుపచరింపం బెద్దయుం బ్రొద్దునకు నతండు దైవాధీనంబునం జైతన్యంబు
నొంది క్రమ్మఱఁ దనతోఁ బరిచర్య సేయం దలంచినప్పు డప్పూపు దప్పింప
నొండువెరవు దొరకొనమిఁ దా న ట్లొడంబడి యెడ పల్కిన విధంబునుం
జెప్పి యప్పొలంతి మఱియు ని ట్లనియె.

108


సీ.

సుదతి కన్యాత్వవిచ్యుతి పొందు టపకీర్తి
       గాని పత్యనుమతి నైనకర్మ
మె ట్లైన మే లని యే నప్పు డతనికిఁ
       బరిభాష చేసితిఁ, బార్థివేంద్ర!
యిప్పు డాపరిభాష దప్పిన దోషంబు
       ప్రాపించు, సతి కైన పాతకంబు
పతిఁ బొందు నని చెప్పఁబడు నట్లుగావున
       వినిపింప వలసె నీ వివర మెల్ల


తే.

 నింక నిటమీఁద నీచిత్త మెట్టులుండె
నటుల చేసెద నానతి' మ్మనిన నాతఁ
డుల్ల మత్యంతచింతాపయోధి మునుఁగ
శిరము గంపింపఁ జేసి యచ్చెరువు నొంది.

109