పుట:Bhoojaraajiiyamu.pdf/147

వికీసోర్స్ నుండి
ఈ పుట అచ్చుదిద్దబడ్డది

86

భోజరాజీయము ఆశ్వా. 4


మును తిర్యగ్జాతి యనం
జనుధేనువు సత్యనిష్ఠ సల్పుట వినవే.'

54


క.

అనవుడు 'నాకథ యెట్టిది
వినవలయుం జెప్పు' మనిన 'విప్రవరేణ్యా!
విను' మనుచు రత్నమండనుఁ
డెనయంగా నతనితోడ నిట్లని చెప్పెన్.

55

గోవ్యాఘ్రముల కథ

సీ.

ఒకవిప్రవర్యుని హోమధేనువు నిత్య
       సత్యవర్తిని, సదాచారమూర్తి,
కలహంబునకుఁ బోదు, కలిగినంతనె తుష్టి
       నొందు, సందడి కోర్చు, నుఱ్ఱు వేయ
వలవదు, పిదుకుచో వరవృష్టిధారల
       చెలువునఁ జన్నులు చేఁపి కురియుఁ,
దెవు లెఱుంగదు, ఱొమ్ము తీండ్ర సాలఁగఁ గల్గి
       కురుమట్టమై చాలఁ గూడియుండు,


తే.

నిట్టిగోరత్న మొక్కనాఁ డేకతంబ
పోకు మేయుచునుండ బెబ్బులి యొకండు
దానిఁ గనిపొంచి యొడ లెల్ల దాఁచి వాల
మవనిఁ దాటించుచును వ్రేయ నడరుటయును.

56


క.

కళవళము లేక 'యోహో
నిలు నిలు' మని సురభి యిట్లనియెఁ జయ్యన న
ప్పులితో 'నాకొక చన వీ
వలయు వివేకించి నాదు వాక్యము వినుమా.'

57


క.

అనినఁ బులి గోవుపై నె
త్తినకేలును భీషణాకృతియుఁ బటమున వ్రా
సినచిత్తరురూపువిధం
బున ఖచరుల కద్భుతంబు పొదలఁగ నుండెన్.

58