పుట:Bhoojaraajiiyamu.pdf/142

వికీసోర్స్ నుండి
ఈ పుట అచ్చుదిద్దబడ్డది

పుష్పగంధి కథ

81


బేరణి యై దిగంతములఁ బిక్కటిలంగ నపారవైభవో
దారత యుల్లసిల్లఁగ నతం డరుదెంచె వివాహవేదికిన్.

22


ఉ.

అప్పుడు బిట్టుబిళ్ళు విభుఁ డాతరుణిం గనుఁగొన్నఁ బువ్వుఁదే
రుప్పరవీథిఁ దోలుకొని యుగ్రగతిం బఱతెంచి కాముఁడే
చొప్పునఁ జూపునో తన ప్రసూనశరంబులవాఁడి యంచు వా
తప్పక చాటు వెట్టిన విధంబున నత్తెర యెత్తి రత్తఱిన్.

23


వ.

మంగళాశీర్వాదపురస్సరంబుగా సుముహూర్తం బనుచు మౌహూర్తికుండు
జయఘంటపై నక్షతలు చల్లిన

24


ఉ.

కంగున ఘంటపైఁ గొడుపు గ్రక్కున వైచుచుఁ దూర్యనాదముల్
నింగియు దిక్తటంబులును నిండఁగ విప్రులవేదనాద ము
ప్పొంగి చెలంగుచుండఁ దెర పుచ్చిన ముచ్చట వోవఁ జూచి ర
య్యంగజుఁ డార్వ నొండొరుల యాననపద్మము లావధూవరుల్.

25


ఉ.

అంతఁ బురోహితానుమతి నక్షతపాత్రలు సేరఁ దేర న
క్కాంతయుఁ గాంతుఁడున్ ముఖవికాసము లొప్పఁగ దోయిలించి య
త్యంతపుఁబ్రీతి నొండొరుల యౌఁదలలం దలఁబ్రాలు వోసి రం
తంతకు మేనులందుఁ బులకాంకురజాలము లుల్లసిల్లఁగన్.

26


తే.

పొలఁతి ప్రాణేశుతలఁ బ్రాలు పోయునపుడు
సిగ్గునెపమునఁ దనదు దోసిలి యొకింత
తడవునకుఁ గాని వదలదు తచ్ఛిరోజ
కరసరోజసంస్పర్శసౌఖ్యంబు మరగి.

27


క.

తలఁబ్రాలు వోయుచో నవి
తలవెండ్రుక లింత సోఁకి తన దగు బాహాం
గుళములు దక్కటియంగం
బుల కెక్కటి సేయ రాజపుత్రుఁడు మెఱసెన్.

28


క.

గుణమణియుత యగుసతిల
క్షణ మది ప్రాణేశ్వరునకు శాశ్వతసుఖకా
రణ మని యిటు చేసె ననఁగ
గుణమణియుతఁ జేసె విభుఁడు కోమలి నంతన్.

29