పుట:Bhoojaraajiiyamu.pdf/141

80

భోజరాజీయము ఆ శ్వా. 4

⁠

మొనరఁ గలదు గాని మొండు గానేర దీ సంశయంబు విడువు జనవరేణ్య!'

⁠ 17

వ.⁠

అనిన నవ్విప్రోత్తములమాట తనకొడుకు బ్రతుకు వృద్దికిం బూఁటగా మైకొని రత్నపురాధీశుం డాపుండరీకపురాధీశునితో వియ్య మంద నియ్యకొని సపరి వారంబుగా సంపాతినగరంబున కేతెంచె నయ్యవసరంబున.

⁠ 18

సీ.⁠

పుణ్యనిర్మలజలంబులను సుస్నాతుఁడై        తడి యొత్త విమలవస్త్రములు దాల్చి కస్తూరికామిశ్రగంధంబు మై నిండ        నలఁది మాణిక్యమయంబులైన కంకణాంగదహారకర్ణావతంసాది        కలితభూషణముల నలరఁ దొడిగి యంచితసౌరభోదంచితకించిదు        త్ఫుల్లనానావిధపుష్పదామ

⁠

ఆ.⁠

కములు దనరఁ బూని కల్యాణచిహ్నలు గొమరు మిగుల మంచుఁ గొండయింటఁ బరిణయముగ నరుగు పరమేశ్వరుండును బోలె నొప్పె నానృపాలసుతుఁడు.

⁠ 19

క.⁠

ముందరఁ బురోహితుండు, పి ఱుంద సచివుఁ, డాయుధపు మెఱుంగులు మెఱయన్ గొందఱు భటు లిరుగెలకుల దందడి నడతేర వందితతి నుతియింపన్.

⁠ 20

క.⁠

భేరీజయఘంటాది మ హారావములును వసుంధరామరవిజయా శీరుక్త సుశబ్దములును గౌరీకల్యాణవిభవ గానధ్వనులున్.

⁠ 21

ఉ.⁠

పౌరుల సాధువాదములు బాంధవకోటి ప్రమోదభాషలున్ వారవధూవిదూషకజనంబుల నాగరికంపుమాటలున్

⁠