పుట:Bhoojaraajiiyamu.pdf/100

వికీసోర్స్ నుండి
ఈ పుట అచ్చుదిద్దబడ్డది

భోజచరిత్ర

39


చ.

అని యుచితప్రసంగముల నానరనాథునిఁ బ్రీతుఁజేసి యా
తనిమది కద్భుతం బొదవ దాఁచినచోటి పదార్థసంఘముల్
గొని చనుదెంచునట్లు మునికుంజరుఁ డాక్షణమందె తెచ్చె న
య్యనిమిషధేనుసంస్మరణమం దొడఁగూడిన యట్టిభోజ్యముల్.

71


క.

అట్టిది కాదె తపస్వుల
కెట్టి పదార్థములు బ్రాతియే నిస్పృహులై
యిట్టుండుదు రట్టుండదు
రెట్టుండిన వారి నొరుల కేమన వచ్చున్.

72


వ.

ఇట్లు సద్యస్సంకల్పితంబు లగు నభిమతాహారంబులు దెచ్చి యారాజునకు
నమాత్యభృత్యసమస్తసైన్యంబునకుఁ దృప్తి గావించిన నారాత్రి యంద
యుండి మఱునాఁడు.

73


క.

తెలతెలవాఱఁగ భూపతి
వల నొప్పఁగఁ బ్రాతరుచితవర్తనములు వే
సలుపుచు సర్పటి కిట్లను
వలయును మత్సురికి రా నవశ్యము మీరల్.

74


వ.

అని ప్రార్థించి పలికిన నానరేంద్రునకు నమ్మునీంద్రుం డి ట్లనియె.

75


తే.

అధిప! మాబోటితపసుల కడవి నుండి
కూరగాయలు నమలుచు వీరఘోర
తపము సేయుచు నునికి యుక్తంబు గాక
చెలగి నగరప్రవేశంబు సేయ నగునె?

76


క.

నావుడు సర్పటితో నతఁ
డీవిధమున నాన తిత్తురే మీరు మదీ
యావాసం బిది వే ఱొక
రావే యి ట్లవధరింపుఁడా తెలియంగన్.

77


క.

ఏ మీ శిష్యుఁడఁ గానే
నామీఁది కృపాతిశయమునం జనుదేరం
గా మీకుఁ జనదె సందియ
మేమిటి కని పలుక నాతఁ డెంతయుఁ బ్రీతిన్.

78