ఈ పుట ఆమోదించబడ్డది
తత్సమ పరిచ్ఛేదము
1. డు-ము-వు-లు - ప్రథమ.
2. నువర్ణంబు - ద్వితీయ.
3. చేత-తోడ - తృతీయ.
4. కొఱకు-కయి - చతుర్థి.
5. వలన-కంటె-పట్టి - పంచమి.
6. కు-యొక్క-లోపల - షష్ఠి.
7. అందు-న - సప్తమి.
8. తృతీయాదులకు నుగాగమంబగు.
రాముని చేతను, రాముని తోడను, రాముని కొఱకును, రాముని వలనను, రాముని కంటెను, రామునకును, రామునియందును.
9. కయి పట్టి యొక్క లకు నుగాగమంబు లేదు.
రామునికయి, జ్ఞానముఁబట్టి, రామునియొక్క.
10. చేత - తోడ లోపల వర్ణకంబుల ప్రథమాక్షరంబులు వైకల్పికంబుగా శేషించు.
ప్రత్యయంబు వర్ణకంబని ప్రాచీనులు వ్యవహరింతురు. రామునిచే, రామునితో, వనములలో
11. డు-ము-వు-న లేకవచనంబులు.
ఏకత్వసంఖ్యను బోధించు ప్రత్యయం బేకవచనంబు. రాముఁడు, సోముఁడు, వనము, ధనము, ధేనువు, భానువు.
12. లు వర్ణంబు బహువచనంబు.
బహుత్వ సంఖ్యను బోధించు ప్రత్యయంబు బహువచనంబు.
