అపూర్వబ్రహ్మచర్య ప్రహసనము 27
రామా -- అవును మాఆడవాళ్లు వూళ్లో లేకపోవడంచేత మా బంధువులయింట్లో భోజనంచేసినాను. మీరు యీసంగతి యెక్కడా చెప్పబోకండి. అంతగా కావలిస్తే తద్దినం రేపువుదయాన్న పెడుదాము.
సోమ -- చిత్తము. అలాగేకానిత్తాము. నాకు నాలుగురోజులలో తూర్పు వెళ్ళవలసిన పనివున్నది. వెళ్ళితే నాలుగునెలలదాకా రానండి. ఈలోగా తమలోపలవచ్చే కార్యాలు మరీయేమీలేవు.
శ్యామ -- ఏవయ్యా బ్రాహ్మడా! నీకు వూరికివెళ్ళవలసిన పనివున్నదని యింత కక్కూర్తిపడుతావు? మామామగారుపోయింది వైశాఖమాసమయితే యీచైత్రమాసంలో తద్దినం యెలాగువస్తుందయ్యా?
సోమ -- అమ్మగారూ! కోపంపడకండి. నేనుపంచాంగం పొరపాటుగా చూచినాను కాబోలును. మళ్ళీవెళ్ళి తద్దినాలజాబితా తిన్నగా చూచివస్తాను. (అనిపోఁబోవుచున్నాఁడు.)
కర -- (ఆపి) అయ్యా! మీరుమాయిద్దరికీ పెళ్ళిచేయించిన సంగతి యీయనతో వక్కసారి చెప్పిమరీపొండి.
సోమ -- అవును అందులో యేమితగాదావున్నది? నేనుమంత్రాలు తిన్నగా చెప్పలేదని యెవరయినా ఆక్షేపణ చేసినారా యేమిటి? శూద్రపెళ్ళి పురాణోక్తం గనుక మంత్రాలక్కర లేదు.
రామా -- వీళ్ళకు మీరు పెళ్ళి యెప్పుడుచేయించినారు?
సోమ -- రెండుసంవత్సరాలకిందట చేయించినాను.
రామా -- కరటకా! నీవు రెండుసంవత్సరాలనుండి గృహస్థువైవుండిన్నీ నావద్ద బ్రహ్మచారివిగానే నటించినావా?
కర -- నేనువూరికే బ్రహ్మచారిగా నటించడంమత్రమే కాని నిజానికి సంసార సుఖాలన్నీ అనుభవిస్తూనే వున్నాను. లోకంలో